![BP "Dərinsulu Günəşli" platformasında hasilatı qrafikə uyğun müvəqqəti dayandırır](https://turan.az/resized/./turan-750-500-resize.webp)
- İqtisadiyyat
- 30 Avqust 2016, 17:58
- 110
BP "Dərinsulu Günəşli" platformasında hasilatı qrafikə uyğun müvəqqəti dayandırır
Azəri-Çıraq-dərinsulu Günəşli (AÇG) yatağının işlənməsi layihəsinin illik iş proqramının bir hissəsi olaraq sentyabr ayında "Dərinsulu Günəşli" platformasının planlaşdırılmış dayandırılması proqramı həyata keçiriləcək. Bu haqda BP-Azerbaijan şirkətindən Turan-a məlumat veriblər.
Məlumatda bildirilir ki, plana əsasən "Dərinsulu Günəşli" platformasından hasilat 2016-cı il sentyabr ayının 1-dən başlayaraq təxminən 11 gün ərzində dayandırılacaq ki, planlaşdırılmış profilaktik işlər, inspeksiya və layihə işləri effektiv şəkildə aparıla bilsin. Bu işlər platformanın təhlükəsiz, etibarlı və ətraf mühitə ziyan vurmadan istismar qabiliyyətini davam etdirməsi üçündür.
Belə proqramlar normal əməliyyatların bir hissəsidir və onlar planlaşdırılmış şəkildə müntəzəm həyata keçirilir. Bu proqramın hazırlığına 2015-ci ildən başlanmışdır və proqram üzrə həyata keçirilən işlər 2016-cı ilin illik iş proqramı və büdcəsinə daxil edilmişdir. Platformanın müvəqqəti dayandırılması həmçinin bu ilin hasilat planına da daxil edilmişdir.
Digər platformalardan - Mərkəzi Azəri, Qərbi Azəri, Şərqi Azəri, Çıraq, Qərbi Çıraq və Şahdəniz paltformalarından hasilat, həmçinin Bakı-Tbilisi-Ceyhan, Cənubi Qafqaz qaz Boru Kəməri və Qərb Marşrutu İxrac Boru Kəməri vasitəsilə ixrac əməliyyatları normal davam edəcək. Səngəçal terminalı da normal işləyəcək, həmçinin Ceyhan və Supsa terminallarında tankerlərin yüklənməsi və yola salınması cədvələ əsasən davam edəcək.
Bu planlaşdırılmış proqramlar müntəzəm aparılan inspeksiya, profilaktik işlər və layihənin yerinə yetirilməsi fəaliyyətləri üçündür. Onlar obyektlərin uzunmüddətli təhlükəsiz, etibarlı, bütöv şəkildə, ətraf mühitə ziyan vurmadan istismarının bir hissədir və əsasən elə profilaktik təmir və modifikasiya işlərindən ibarət olur ki, həmin işləri yalnız obyektin fəaliyyətini müvəqqəti dayandıraraq həyata keçirmək mümkündür. --12D--
-
- İqtisadiyyat
- 30 Avqust 2016 17:49
-
- Çətin sual
- 30 Avqust 2016 18:40
İqtisadiyyat
-
Azərbaycan Nazirlər Kabineti sentyabrın 3-də ölkə üzrə dəmir yolu şəbəkəsində yükdaşımanın səmərəliliyini artırmağa yönəlmiş yeni qaydaları təsdiqləyib. Bu qərar, dövlətə məxsus “Azərbaycan Dəmir Yolları” Qapalı Səhmdar Cəmiyyətinin fəaliyyətinin yaxşılaşdırılması məqsədilə 2015-ci ildə imzalanmış prezident fərmanının bir hissəsidir.
-
Sentyabrın 3-də Azərbaycan Respublikası Nazirlər Kabineti ölkənin Vergi Məcəlləsinə edilən son dəyişikliklərə uyğun olaraq, idxal zamanı əlavə dəyər vergisindən (ƏDV) azad edilən lizinq müqavilələrinin obyekti olan əsas vəsaitlərin yeni siyahısını təsdiqlədi.
-
Azərbaycan Respublikasının Nazirlər Kabineti, metal tullantıları və atıqlarla bağlı tarifləri yenidən nəzərdən keçirmək məqsədilə gömrük rüsumları qaydalarında bir sıra dəyişikliklər elan edib. Dəyişikliklər, son prezident fərmanının icrası çərçivəsində həyata keçirilir və 60 gündən sonra qüvvəyə minəcək.
-
Aqrar Subsidiya Şurası yeni növ subsidiyaların veriləcəyini elan edib. Qurumun qərarına əsasən, gələn ildən müasir suvarma sistemləri tətbiq edilən əkin sahələrinə görə 60 manat əlavə əkin subsidiyası veriləcək. Bildirilir ki, təkrar əkinlərə görə subsidiya 2025-ci ildən etibarən yalnız suvarılan ərazilərdə aparılan əkinlərə şamil olunacaq.
Rəy yaz