Britaniyanın neft nəhəngi BP Xəzərdəki platformaların birində hasilatı dayandırıb

Britaniyanın neft nəhəngi BP Xəzərdəki platformaların birində planlaşdırılmış dayandırılması proqramı həyata keçirəcək, deyə çərşənbə axşamı BP Azerbaijan-ın mətbuat katibi bildirib. Mayın sonunda 3 həftəliyə Qərbi Azəri platformasında əməliyyatlar dayandırılacaq, deyə o bildirib.

SOCAR-dakı mənbə Reuters-ə bildirib ki, bu ayın sonunda Xəzərdə daha bir platformada plan üzrə texniki xidmət həyata keçiriləcək.

2015-ci ilin I rübündə Azərbaycanda neft və kondensat hasilatı 10,6 mln ton olub. Ötən ilin eyni dövründə bu göstərici  10,4 mln ton təşkil edib.

Azəri-Çıraq-dərinsulu Günəşli (AÇG) yatağında hasilat artımı ümumi hasilat artımı ilə nəticələnib.

Azərbaycanda neft və kondensat hasilatı 2013-cü ildə 43,1 mln ton, ötən il 41,9 mln ton olub. Qaz hasilatı 2014-cü ildə 29,2 mlrd kubmetrə çatıb.

2010-cu ildəki 51 mln tonluq pikdən sonra hasilatın azalması Bakının narahatlığına səbəb olub.

ВР və SOCAR 2013-cü ildə sakitlik yaratmağa çalışaraq bəyan etdilər ki, hasilat sabitləşib. 2013-cü ildə hasilat 2011-ci ildən sonra ilk dəfə artıb, amma ötən il yenə azalma olub.

Azərbaycan bu il 40,3 mln ton neft və 29 mlrd qaz hasil etmək istəyir, deyə Reuters bildirir.—0-