Aparıcı iki müxalifət partiyası iqtidar-müxalifət görüşünə qatılmır
May ayının 15-də ölkədəki partiyalarla iqtidar təmsilçiləri arasında növbəti üçüncü görüşün keçirilməsi gözlənilir. Bu xəbər Turan-a partiyalardan məlum olub.
Mənbə bildirir ki, iqtidar təmsilçiləri partiya rəhbərliklərinə göndərdikləri bildirişlərdə görüşə rəsmi qeydə alınan bütün partiyaların dəvət olunduğunu qeyd edirlər. Mənbə deyib ki, adı çəkilən görüşün tarixi naməlum səbəblər üzündən iki dəfə təxirə salınıb. Mənbənin dediyinə görə, bundan əvvəlki bildirişlərdə iqtidar tərəf hətta qeydə alınmayan partiyaların da tədbirə dəvətli olduqlarını bildirirdilər.
Bəzi partiya rəhbərləri görüşün formatı və müzakirə ediləcək mövzu barədə bilgiyə sahib olmadıqlarını, hansı mövzunun müzakirə ediləcəyi barədə iqtidar tərəfin partiyaları məlumatlandırmadığını vurğulayır.
İndiyə kimi keçirilən iki görüşə qatılmayan Müsavat Partiyası başqanı Arif Hacılıdan bu görüşə qatılıb-qatılmayacaqlarını soruşduq. A.Hacılı Prezident Administrasiyasından dəvət aldıqlarını, amma yekun qərarın görüşün formatı, müzakirə ediləcək mövzu barədə məlumat aldıqdan sonra veriləcəyini deyib.
Xalq Cəbhəsi Partiyasının sədr müavini Gözəl Bayramlı isə görüşə dəvət almadıqlarını və ona qatılmaq niyyətləri olmadığını nəzərə çatdırıb.
Xatırladaq ki, müxalifət və iqtidar təmsilçiləri arasında ilk görüş 2014-cü ilin dekabrında, ikinci görüş isə 2015-ci ilin fevralında keçirilib. Nəzərdə tutulan və hələlik mayın 15-nə təyin edilən üçüncü görüşlə bağlı aprelin ikinci yarısından may ayına kimi tarix iki dəfə təxirə salınıb. -05B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz