British Airways Azərbaycana qayidişini qeyd edir

British Airways aviaşirkəti 11 iyunda Azərbaycana qayıdışının altı ayını qeyd edib. Təntənəli mərasim Amerikanın Azərbaycandakı Ticarət Palatası (AmCham) ilə birgə keçirilib.

British Airwaysin Azərbaycanda rəsmi açılışı bmi şirkətinin 2012-ci ilin oktyabr ayında British Airwaysə daxil olandan sonra baş tutdu. Bu gün Bakı-London-Bakı marşrutu ilə hər gün uçuşlar həyata keçirilir.

Tədbir Amerika Ticarət Palatasın direktoru Nərgiz Nəsrullayeva-Muduroglu tərəfindən təşkil edilib.

“Düzgün istiqamətdə irəliləyişdən sonra biz Azərbaycan bazarına qayıtmağa şadıq” deyən Orta və Mərkəzi Asiya regionu üzrə British Airwaysin Kommersiya direktoru Paolo De Renzis qeyd edib ki, BA şirkəti üçün Azərbaycan vacib istiqamətdin biridir. Hazırda şirkət yenidən özünü bazarda təqdim etmək niyyətindədir və əsas məqsəd müstəsna xidmət və dünya səviyyəli məhsulu nümayiş etdirməkdir.

Müştərilərə yüksək səviyyədə xidmət təqdim etmək məqsədi ilə şirkət Azərbaycana bütün A321 təyyarə modellərini tam təmirdən çıxardandan sonra qayıdıb. British Airways hava gəmisində 2 cür uçuş sinfi təqdim olunur: Club World (biznes sinfi) və World Traveller (ekonom sinfi)

British Airwaysin servislərindən istifadə edərək Azərbaycan səyahətçiləri Azərbaycandan Londonun Heathrow T1 hava limanına gəlməklə burada yaradılan geniş aviaşirkətlər şəbəkəsindən istifadə edərək ABŞ və Kanadın 20-dən çox istiqamətindən yararlana bilərlər. Oneworld ittifaqından olan tərəfdaşları ilə birgə British Airways yüzlərlə marşrut üzrə ümumi şəbəkə, fasiləsiz müştəri xidməti və tez-tez uçanlar üçun bir sıra güzəştlər təklif edir.   British Airways-dən başqa Londona “Azerbaijan Airway” (çərşənbə və cümə) də uçuşlar həyata keçirir.--08D--