BTQ-nin istismara verilməsi 2015-ci ilin II yarısına təxirə salınıb

Bakı–Tbilisi–Qars dəmir yolunun tikintisi bitmir. Dünən nəqliyyat naziri Ziya Məmmədov ürcüstan tərəfdən Baş nazirin müavini, iqtisadiyyat və davamlı inkişaf naziri Georgi Kvirikaşvilinin iştirakı ilə keçirilən Bakı-Tbilisi-Qars (BTQ) dəmiryolu layihəsinin Əlaqələndirmə Şurasının 18-ci iclasında deyib ki, test qatarı türkiyə sərhədinə bu ilin sonunda gedəcək. Dəmir yolu 2015-ci ilin II yarısında tam istismara veriləcək. 

Nəqliyyat Nazirliyi mətbuat xidmətinin məlumatına görə, tərəflər Marabda-Kartsaxi dəmir yolunun tikintisinin gedişini müzakirə edib. Z.Məmmədovun sözlərinə görə, türkiyə ərazisində tikinti sürətlə gedir. Əsas problem tunellərlə bağlıdır.

Bakı–Tbilisi–Qars dəmir yolunun tikintisi 2007-ci ildən aparılır. Onun ilkin qiyməti $422 mln didi və bunun $202 mln-u Gürcüstan, $220 mln-u Türkiyə sahəsinə yönəldilməli idi. Sonradan qiymət $750 mln dollara artdı. 1 yanvar 2014-cü il üçün ARDNF layihəyə 367,1 mln manat yönəldib. Bu il Fonddan layihəyə daha 132,3 mln amnat ayrılacaq. 

Bu dəmir yolu ilə ildə 25 mln ton yük daşınması planlaşdırılır. 

Axalkələk stansiyasından (Gürcüstan) Qars stansiyasına kimi yolun uzunluğu 98 km-dir. Bunun 30 km-i Gürvüstan, 68 km-i Türkiyə ərazisindədir. Layihə çərçivəsində bir sahələrdə yenidənqurma işləri aparılır. 08D