Fevralın 29-da Bakıda Azərbaycan prezidentinin iştirakı ilə “Cənub Qaz Dəhlizi” üzrə Məsləhət Şurasının iclası açılıb.
Şuranın işində Cənub Qaz Dəhlizi ölkələrinin energetika nazirləri, o cümlədən Avropa Komissiyasının energetika üzrə vitse-prezidenti Maroş Şefkoviç, Türkiyənin energetika naziri Berat Albayrak, ABŞ Dövlət Departamentinin xüsusi nümayəndəsi Amos Hokşteyn, Böyük Britaniyanın energetika üzrə xüsusi nümayəndəsi Edmund Hosker, İtaliyanın dövlət katibi Klaudio De Vinçenti və başqaları iştirak edir.
İclasın yekunlarına görə Azərbaycan energetika naziri Natiq Əliyev və Avropa Komissiyasının energetika üzrə vitse-prezidenti Maroş Şefkoviç mətbuat üçün bəyanatla çıxış edəcəklər.
İclas iştirakçılarının Cənub Qaz Dəhlizinin perspektivlərini və onun fəaliyyəti, təhlükəsizliyi və inkişafı ilə bağlı təcrübi məsələləri müzakirə edəcəkləri gözlənilir.
Təbii qazın Avropaya nəqli məqsədilə İran və Türkmənistan dəhlizinə qoşulma məsələlərinə də baxılacağı gözlənilir. -02D-
İqtisadiyyat
-
Avropa Komissiyası Azərbaycanın Avropaya qaz ixracının artmasını Avropa İttifaqının enerji təhlükəsizliyini təmin etmək üçün vacib alternativ hesab edir, Avropa İttifaqının Enerji Komissarı Kadri Simson BMT-nin COP29 sammitində Turan-a verdiyi eksklüziv müsahibədə bildirib.
-
Bu ilin əvvəlində Qlobal Neft və Qaz Metan Tərəfdaşlığı 2.0 (OGMP 2.0) platformasına qoşulan Azərbaycan Dövlət Neft Şirkəti (SOCAR), COP29 çərçivəsində 15 noyabrda "Yaşıl Zona"da “OGMP 2.0 Liderlər Forumu”na ev sahibliyi etdi. Tədbir neft-qaz sənayesində metan emissiyalarının azaldılması sahəsində irəliləyiş və perspektivləri müzakirə etmək üçün əsas tərəfdaşları bir araya topladı.
-
BMT-nin İqlim Dəyişikliyi üzrə Çərçivə Konvensiyasının (UNFCCC) İcraçı Katibi Saymon Stil, 17-20 noyabr tarixlərində Rio-de-Janeyroda keçiriləcək G20 sammiti ərəfəsində iqlim maliyyələşdirilməsi müzakirələrinin vacibliyini vurğuladı. Stil, hazırda Bakıda keçirilən UNFCCC-nin 29-cu sessiyasından əvvəlki çıxışında aparılan danışıqların həlledici əhəmiyyətə malik olduğunu bildirdi.
-
Azərbaycan Dövlət Neft Şirkəti (SOCAR) Bolqarıstanın qaz paylanması sektorundakı mövqeyini gücləndirir və 2024-cü ilin sonuna qədər bazarın 7,5%-ni ələ keçirməyi planlaşdırır. Hazırda SOCAR Bolqarıstanın təbii qaz ehtiyacının yarısını təmin edir və strateji tərəfdaşlıqlar və paylanma genişləndirməsi vasitəsilə bazardakı payını daha da artırmağı hədəfləyir.
Rəy yaz