Dağ xizəyi turizmi operatorlarının «isti» tarifləri

Qış turizmi mövsümü başlayır. Dağ xizəyi turizmi operatorları «isti» tariflər təklif edirlər.

Dağ xizəyi turizmi həvəskarları Qusar («Şahdağ» kompleksi) və Qəbələdə («Tufandağ» yay-qış kompleksi) iki dağ kurortunun xidmətindən istifadə edə bilərlər. Düzdür, bu istirahət növü 2014-2015-ci illər mövsümündə əvvəlkindən daha baha olacaq.

«Şahdağ» turizm kompleksi kanatda gəzinti tariflərini (uşaqlar üçün 10 manatdan 16 manata, böyüklər üçün 25 manata) bahalandırıb. İş günləri xizəklə gəzinti təzə xizəkçilər üçün 12 yox, 20 manat olacaq. «Normal» traslarda sürüşənlər 30 manat və daha çox ödəyəcək. İstirahət günləri də qiymətlər belə olacaq. «Şahdağ» turizm kompleksində geyim və təchizatın neçəyə olacağı açıqlanmır.

Qəbələdə qiymətlər nisbətən ucuzdur. «Tufandağ»da sürüşmə haqqı ötən ilki kimi 15 manatdır. Bu, Gürcüstanın Qudauri və Bakuriani kurortlarındakı bir günlük tariflə (30 lari) eynidir.

Kompleksin menecerləri xizək və xüsusi geyim komplektasiyasının qiymətini 11 manat azaldaraq 30 manat müəyyən edib. Günlük differensasiya da belədir. Əgər müştəri 1 həftə qalarsa, 150 manata başa gəlir. Qarda sürüşmə üzrə qrup şəklində məşğələlər 1 ssatlıq təlimlə əvəzlənib. Nəticədə qrupla gedən turistlər daha çox pul ödəməli olur. Kanatla gəzinti «Tufandağ»da 10 manatdır.

Hər iki kurort gündə 3 min qonaq qəbul edə bilir.

«Tufandağ» kompleksi “Gilan Holding” qrupuna məxsudur. «Şahdağ» kompleksi formal olaraq Mədəniyyət və Turizm Nazirliyinə tabedir. Onun tikintisinə $1 mlrd büdcə vəsaiti xərclənib. Onun kommersiya infrastrukturundan kimin hansı əsasla istifadə etdiyi məluma deyil. Burdakı dəbdəbəli otellər "PAŞA Hotels and Resorts"a məxsusdur.

Mədəniyyət və turizm naziri Əbülfəs Qarayev jurnalistlərə deyib ki, özəl şirkətlər qiyməti özü qoya bilər.

Müşahidəçilərin fikrincə, yüksək tariflərə baxmayaraq, dağ-xizək idmanına tələbat azalmır. Turoperatorlar otellərdə nömrələrin çoxunu əsas istirahət günləri və Yeni İl üçün bronlayıb. --08B—