Daha bir ortabab sığorta bazarında mövqeyini itirir

“Era Trans” sığorta şirkəti bu ilin I rübündə 333,99 min manat mükafat yığıb. Bu, ötən ilin eyni dövründəkindən 88 min manat azdır. 

Şirkətin prioritetində dəyişiklik var – əvvəllər avtomobillərin КАСКО sığortası üzrə daha çox mükafat olurdusa, indi I yerə könüllü tibbi sığorta çıxıb - 258,37 min manat. Bundan başqa, əvvəllər şirkət icbari növlər üzrə rübdə 50 min manat toplayırdısa, indi ondan məhrum olub. 

Qalan növlər üzrə vəziyyət belədir: avtomobillərin КАСКО sığortası 52,47 min manat, əmlakın yanğından və başqa risklərdən sığortası 7,35 min manat, bədbəxt hadisə və xəstəliklərdən sığorta 15,43 min manat. 

Daha bir vacib cəhət – əvvəllər şirkət bədbəxt hadisə və xəstəliklər üzrə ixtisaslaşmışdı, KTS və avtosığorta “menyüdə” az olurdu. 

Avtonəqliyyat vasitələri sahiblərinin mülki məsuliyyətinin sığortası üzrə 360 manat, xaricə səyahət sığortası üzrə 260 manat yığılıb. 

Şirkət İcbari Sığorta Bürosunun üzvü olmadığı üçün icbari növlər üzrə mükafat yoxdur. 

Məcmu ödənişlər 55,22 min manat təşkil edib. Bu, ötən ilin eyni dövründəkindən 2 dəfə azdır. Daha çox ödəniş avtomobillərin КАСКО sığortası üzrədir - 38,05 min manat. 

KTS üzrə 8,17 min manat, bədbəxt hadisə və xəstəliklərdən sığorta üzrə 9 min manat, avtonəqliyyat vasitələri sahiblərinin mülki məsuliyyətinin sığortası 1 min manat, xaricə səyahət sığortası üzrə 3,65 min manat kompensasiya edilib. 

"Era-Trans" sığorta şirkəti 1994-cü ilin aprelində fəaliyyətə başlayıb. 

Nizamnamədə dəyişiklik və şirkətin açıq səhmdar cəmiyyəti kimi yenidən qeydiyyatı ilə bağlı 2006-cı ildə 5 illik yeni lisenziya verilib.  2011-ci ildə müddətsiz lisenziya alıb. Şirkətin Sumqayıt və Bərdədə filialı var. 

Şirkətin kapitallaşma səviyyəsi 5 mln 7 mln manatdır. --17D—