Daşınmaz Əmlak Hüququnun Qeydiyyatı Xidməti 2 mln manat mükafatlandırılıb

2012-ci ildə Əmlak Məsələləri Komitəsinin əməkdaşları 2 mln manat mükafat alıb. Bu vəsaitlər hökumətin antikorrupsiya tədbirləri çərçivəsində verilib. 

Daşınmaz Əmlakın Dövlət Reyestri Xidmətinin 20 zona idarəsi, eləcə də rayon şöbələri özünümaliyyələşdirmə prinsipi ilə işləyir. Tarif Şurası 31 iyulda bu xidmət üzrə ödənişləri müəyyən edib və onlar ölkədəki yaşayış minimumu nəzərə alınanda çox yüksəkdir. Bundan başqa, əmlak hüququnun qeydiyyatı zamanı rüsum da ödənilir və onun həcmi 10-50 manatdır. 

ƏMDK qeyd edir ki, DƏDRX əməkdaşları yığılan rüsumun 30%-i məbləğində mükafat alıb. Xatırladaq ki, 2012-ci ildə mülkiyyətçilərə dövlət reyestrindən 150 min çıxarış (dövlət rüsumu 30 manat), 140 min texniki pasport (50 manat), 110 min əmlak yükü barədə arayış (10 manat) və s. verib. 

Azərbaycan Respublikası Prezidentinin 2011-ci il 24 noyabr tarixli 526 nömrəli Fərmanına əsasən, tutulan dövlət rüsumunun 30%-i ƏMDK-nin xüsusi hesabına yığılır və işçilərin sosial müdafiəsinin gücləndirilməsi və madddi vəziyyətinin yaxşılaşdırılması üçün istifadə edilir. 

Müstəqil ekspertlər bildirir ki, 2012-ci ildən daşınmaz əmlakın dövlət qeydiyyatı ilə bağlı vəziyyət yaxşılaşıb və rüşvətxorluq xeyli azalıb. 08D