2014-cü ildə Azərbaycanda daşınmaz əmlakının qeydiyyatı üzrə 205,2 min əməliyyat həyata keçirilib. Bu, əvvəlki ildəkindən 15,8% çoxdur. Bu barədə ötən həftə Əmlak Məsələləri Dövlət Komitəsinin KİV üçün qapalı kollegiyasında məlumat verilib.
Fəallığın artımı vətəndaşların bu xidmətlərə çıxışının asanlaşması (təkrar daşınmaz əmlak üzrə “ASAN Xidmət”, ucqar yerlərdə qeydiyyat üçün avtomobillərdən istifadə) ilə yanaşı, dövlət üçün əmlak alınması və daşınmaz əmlaka investisiya marağı ilə bağlıdır.
Ötən il daşınmaz əmlakının ilkin qeydiyyatı üzrə əməliyyatlar rekord səviyyəyə çatıb – 57 950. Bu, əvvəlki ildəkindən 16,5% çoxdur. Bu dövrdə daşınmaz əmlakının alqı-satqısı 15,5% artıb. İl ərzində 147,2 min mənzil, şəxsi ev, qeyri-yaşayış obyelti və s satılıb.
Ekspertlər hesab edir ki, bu il daşınmaz əmlaka mülakiyyət hüququnun qeydiyyatı sürətlənəcək. Yanvarın 13-də dövlət başçısı “Daşınmaz əmlakın dövlət reyestri haqqında” Qanun qüvvəyə minənədək əldə edilmiş və yaranmış daşınmaz əmlak obyektləri üzərində hüquqların əldə edilməsini təsdiq edən sənədlərin Siyahısı”nın təsdiq edilməsi barədə fərman imzalayıb. Fərmana əsasən, qanun qüvvəyə minənə kimi (2001-ci il) daşınmaz əmlak obyektinin tikintisi üçün bir qanuni sənəd olarsa, qeydiyyat orqanı mülkiyyəti təsdiq edən sənəd verir. Ölkə parlamentinə fiziki şəxslərin icazəsiz tikilən obyektlərinin qanuniləşdirilməsini nəzərdə tutan sənəd daxil olub.
Daşınmaz əmlak qeydiyyatının artımı ƏMDK Daşınmaz Əmlakın Dövlət Reyestri Xidmətinin işçilərinin gəlirlərində də əksini tapır. Ötən il onlar maaşa əlavə olaraq 36,6 mln manat mükafat alıb. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz