Aprelin 3-də Daşkəsən Filizsaflaşdırma Kombinatının səhmlərinin 99,22%-nin özəlləşdirilməsi üzrə müsabiqə təklifləri açılmalı idi. Amma təklif olmadığı üçün Əmlak Məsələləri Dövlət Komitəsi investorlardan sifariş qəbulunu 31 maya kimi uzadıb.
“Daşkəsən Filizsaflaşdırma” ASC-nin sayca üçüncü özəlləşdirilməsi 2016-cı ilin iyulundan başlayıb. O vaxtdan 358 nəfərin işlədiyi kombinat hasilat və saflaşdırma işlərini dayandırıb. Müəssisənin öhdəlikləri artır və 1 mart 2017-ci il üçün 21 mln manatı keçib. SC-nin xalis aktivləri barədə məlumat verilmir. Müəssisə illik maliyyə hesabatını açıqlamır.
İnvestorlar kombinata maraq göstərməsə də, özəlləşdirmə şərtləri dəyişdirilmir: iddiaçılardan 600 mln dollarlıq 5 illik investisiya proqramı tələb olunur. İnvestor dövlət büdcəsinə ən azı 100 mln manat köçürməlidir.
Xatırladaq ki, 2003-2006-cı illərdə “Daşkəsən Filizsaflaşdırma” iki dəfə eyni metodla özəlləşdirilib. Amma öhdəliklərə əməl edilmədiyi üçün müsabiqənin nəticələri ləğv edilib. 08D
İqtisadiyyat
-
Ötən il Azərbaycanın ixracı kəskin azalıb. 2024-cü ildə ölkənin ixracı 26 milyard 554 milyon 56 min, idxalı 21 milyard 58 milyon 44 min ABŞ dolları olub. Müsbət saldo 5 milyard 496 milyon 12 min ABŞ dolları təşkil edib. Bu barədə Dövlət Gömrük Komitəsinin (DGK) məlumatında bildirilir.
-
“Şəfəq” Günəş Elektrik Stansiyasının (GES) tikintisi ilə bağlı texniki-iqtisadi əsaslandırmaya əsaslanan yekun investisiya qərarının (FID) 2025-ci ildə qəbul edilməsi gözlənilir. Bu barədə BP-nin Xəzər regionu üzrə vitse-prezidenti Bəxtiyar Aslanbəyli cümə günü jurnalistlərə bildirib.
-
BP Plc 2025-ci ilin sonuna qədər Azəri-Çıraq-Günəşli (AÇQ) blokunun dərin qaz yataqlarından qaz hasilatına başlamağı planlaşdırır, BP-Azərbaycanın mətbuat xidmətinin rəhbəri Tamam Bayatlı jurnalistlərə bildirib.
-
Azərbaycanın İRİA (İnnovasiya və Rəqəmsal İnkişaf Agentliyi) və İsrailin Israel Aerospace Industries (IAI) şirkəti Anlaşma Memorandumu (MoU) imzalayıblar. Saziş iki ölkə arasında iqtisadi, sənaye, elmi və texnoloji əməkdaşlığın dərinləşdirilməsinə yönəlib.
Rəy yaz