Davamlı inkişafın vəzifələrinə dair seminar keçirilib

Bu gün Bakıda «Davamlı inkişafın vəzifələri – Azərbaycanda milli məsləhətləşmələr» adlı seminar keçirilib. Alim və ekspertlər beynəlxalq və dövlət strukturların təmsilçiləri ilə insanları yoxsulluqdan qurtarmq üçün inkişaf yollarını müzakirə ediblər. 

BMT İnkişaf Proqramının rəyinə görə, Azərbaycanda 2015-ci ilə kimi əsas inkişaf meyarları uğurla həyata keçirilib. Ölkədə 2015-ci ildən sonra davamlı inkişaf vəzifələri öyrəniləcək deyə UNDP rezident-əlaqələndiricisi Antonius Broek bildirib. Onun sözlərinə görə, «Azərbaycan-2020: Gələcəyə baxış» konsepsiyasında ölkənin inkişafının əsas istiqamətləri əksini tapıb. Broekin fikrincə, bu konsepsiyanın icrası yoxsulluğun azaldılmasına da kömək edəcək. 

Məsləhətləşmələr martda başlayıb və iyunda yekun sənəd BMT-yə təqdim ediləcək. 

Dünya Bankının Azərbaycan üzrə meneceri Larisa Leşenko Turan-a bildirib ki, 2014-cü ildə DB özü Azərbaycanda yoxsulluq səviyyəsini araşdıracaq. «DB hələlik Azərbaycanda yoxsulluq səviyyəsini qiymətləndirərkən rəsmi rəqəmlərə istinad edir (2012-ci ildə 6%). Gələn ildən yoxsulluq beynəlxalq meyarlarla hesablanacaq», deyə o bildirib. Azərbaycanda aylıq gəliri 119,30 manatdan az olanlar yoxsul sayılır. 

İqtisad Universitetinin prorektoru seminarda bildirib ki, yoxsulluq probleminə yanaşma kökündən yanlışdır: yoxsul dilənçilik edən yox, «Jiquli»ni «Mercedes»ə dəyişə bilməyəndir, deyə o bildirib. 

Seminar «İqtisadi Resursların Öyrənilməsi Mərkəzi»nin iştirakı ilə təşkil edilib. 08C