Bu gün Bakı Apellyasiya Məhkəməsində hakim Camal Ramzanovun sədrliyi ilə ReAl vətəndaş hərəkatının lideri İlqar Məmmədovun həbs müddətinin sentyabrın 4-nə qədər uzadılması ilə bağlı qərardan apellyasiya şikayətinə baxılıb.
Hakim müdafiə tərəfin həbs müddətinin uzadılmasının əsassız olması haqqında bütün dəlillərinə məhəl qoymayaraq, Nəsimi rayon məhkəməsinin 15 may tarixli qərarını qüvvədə saxlayıb. Bu barədə Turan-a vəkil Fuad Ağayev bildirib.
Xatırladaq ki, Məmmədov 23-24 yanvar İsmayıllı hadisələri ilə əlaqədar həbs edilib və kütləvi iğtişaşların təşkilində və polisə müqavimət göstərməkdə ittiham olunub.
Avropa İnsan Hüquqları Məhkəməsi onun işini növbədənkənar icraata qəbul edib və Azərbaycan hökuməti ilə kommunikasiyaya başlayıb.
Qeyd edək ki, Məmmədovu həbsdə saxlamaq qərarı ötən həftə AŞ İnsan hüquqları komissarı N.Mujnieksin ona baş çəkməsindən sonra və AŞPA rəhbəri Jan-Klod Minyonun Bakıda olduğu bir vaxtda qəbul edilib. -06В-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz