Daxili bazara neft məhsulları tədarükü xeyli azalıb

2014-cü ilin yanvar-fevralında Azərbaycanın daxili bazarına 721,1 min ton neft məhsulları tədarük edilib.

Dövlətstatkomun aylıq hesabatına əsasən, ilin ilk ayında Azərbaycanın daxili bazarına neft məhsulları tədarükü ötən ilin eyni dövrü ilə (772,6 min ton) müqayisədə 6,7% azalıb.

Bu dövrdə daxili bazara 192,8 min ton avtomobil benzini, 173,6 min ton dizel yanacağı, 71,9 min ton aviakerosin, 62,9 min ton mazut, 41 min ton neft bitumu, 30,3 min ton maye qaz, 148,6 min ton başqa neft məhsulları tədarük edib.

Azərbaycan NEZ-lərinin anbarlarında 1 mart 2014-cü il üçün 31,7 min ton avtomobil benzini, 3,5 min ilkin emal benzini, 47,2 min ton aviakerosin, 59,4 min ton dizel yanacağı, 11,2 min ton sürtkü yağları və 6,4 min ton neft bitumu var.

Azərbaycan Neft Araşdırmaları Mərkəzinin məlumatına görə, neft məhsulları tədarükünün azalmasının bir sıra səbəbləri var. Müqayisə etsək görərik ki, avtomobil benzini tədarükündə 3,3 min ton (sutkalıq azalma 55,9 ton), dizel yanacağı tədarükündə 22,4 min ton (sutkalıq azalma 379,6 ton) azalma olub. Səbəb nədir? Təbii ki, buna yanacağın bahalanması təsir edib (30-34%). Digər tərəfdən paytaxtın mərkəzində avtomobil parklaması qadağan edilib. Nəticədə mərkəzdə tıxac azalıb.  

Bundan başqa, iki ayda ölkəyə avtomobil idxalı 1000 ədəd azalıb, bu tendensiya davam edəcək, deyə ANAM-da düşünürlər. Aprelin 1-dən avro-4 tələbinə cavab verməyən avtomobillərin idxalı qadağandır. Demək, 2011-ci ildən əvvəlki yaponiya, 2005-ci ildən əvvəlki istehsal Avropa avtomobilləri idxal olunmayacaq. Yəni bazarda yanacağa qənaət edən avtomobillər çoxalacaq. –12А--