DB və PwC-nin versiyasına görə, Azərbaycan vergi ödənişinin asan olduğu «adalardandır»

Dünya Bankı və PwC  Beynəlxalq Auditor Şirkəti noyabrın 23-də «Paying Taxes 2016» renkinqini açıqlayıb. Ona əsasən, Azərbaycan vergi ödənişinin asanlığına görə 189 ölkə arasında 34-cü yerdədir. Amma heç də bütün ekspertlər bununla razı deyil.

Renkinqə görə, Azərbaycanda ümumi vergi yükü sahibkarlarının xərclərinin 39,8%-i təşkil edir, vergi ödəmək üçün tələb olunan vaxt 195 gündür. Sahibkarlar 7 növ vergi ödəyir.

DB və PwC versiyasına görə, Azərbaycan vergi ödənişinin asanlığına görə Fransa (87-ci yer), Almaniya (72), Yunanıstan (66) və s kimi ölkələri qabaqlayır. İtaliya  (137) və yaponiya (121) vergi ödəyiciləri üçün əlverişli sayılmır.

Ekspert Əkrəm Həsənov Turan-a bildirib ki, belə ümumiləşdirici renkinqlər tərtib ediləndə bir qayda olaraq rəsmi məlumatlardan istifadə edilir. Real vergi, o cümlədən rüşvət daha çox ola bilər. Onun sözlərinə görə, Azərbaycandan fərqli olaraq bir sıra Avropa ölkələrində fiziki şəxslərdən gəlir vergisi müəyyən güzəşt və azadetmələr (təhsil və səhiyyə xərcləri, ipoteka ödənişi və s) çıxılandan sonra tutulur. 08B