Sentyabrda Milli Depozit Mərkəzində 81 mln 874,4 min manat məbləğində 24 birjadankənar əqd imzalanıb. Bu, 1999-cu ildən rekord göstəricidir.
Bundan əvvəl qiymətli kağızların birjadankənar ticarətində rekord göstərici 2013-cü ilin oktyabrında (69,6 mln manat) olub.
Qiymətli Kağızlar üzrə Dövlət Komitəsinin qəbul etdiyi normativ akta görə, birjadankənar əqdlər Bakı Fond Birjası tərəfindən açıqlanmalıdır. Amma BFB-nin qəbul etdiyi daxili sənədə əsasən, birjadankənar əqdlər barədə yalnız ümumi məlumat açıqlanır. MDM də belə məlumatları təqdim etmir. Ona görə birjadankənar əqdin hansı qiymətli kağızlar üzrə olduğu məlum deyil.
Oktyabrda 47 birjadankənar əqd üzrə səhm alqı-satqısının həcmi 524,7 min manat olub.
QKDK-ya görə, 2015-ci ilin on ayında təkrar səhm bazarının dövriyyəsi 351 mln manat təşkil edib. Bu, ötən ilin eyni dövründəkindən 7,1 dəfə çoxdur. Təkrar səhm bazarının dövriyyəsində birja meydançalarının payı 9,4 mln manat olub. Ekspertlər hesab edir ki, birjadankənar səhm dövriyyəsinin əsas hissəsi Beynəlxalq Bankın səhmləridir. ABB-nin depozitarı onun səhm dövriyyəsi barədə heç bir informasiya açıqlamır. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz