Dekabrın 1-dək AVSMMİS üzrə 666 min müqavilə bağlanılıb

İcbari Sığorta Bürosu avtonəqliyyat vasitələri sahiblərinin mülki məsuliyyətinin icbari sığortasını artırmaq üçün hər şeyi edir. 

 İcbari Sığorta Bürosunun icraçı direktoru Elxan Quliyev bildirib ki, indi aktiv istifadə edilən avtomobillərin 80%-i AVSMMİS-ə cəlb edilib. Ötən il DİN DYP-nin məlumatına görə, 750 min avtonəqliyyat vasitəsi texniki baxışdan keçirilib. Hər il avtopark 50 min vahid artır. Dekabrın 1-ə kimi 665,9 min AVSMMİS üzrə sığorta müqaviləsi (1 ay müddətli tranzit vasitələr istisna) bağlanııb. 

 Deyilən tarixə tranzit də daxil 869,4 min sığorta müqaviləsi bağlanılıb və 68,9 mln manat mükafat yığılıb. Gündə orta hesabla 1 min 986 müqavilə bağlanılır və bir müqavilə üzrə orta mükafat həcmi 93 manatdır. Bunun 76,5%-i minik avtomobilləri üzrədir. 

 Bu il daha çox mükafat oktyabrda olub - 9 mln 243 min manat. Ən çox müqavilə (123 min 43) apreldə bağlanılıb. 

 16 dekabr 2011-ci ildən AVSMMİS üzrə yeni tariflərlə polis satılır. 

 İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var. AVSMMİS üzrə yeni sistemi tətbiq edilib. Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. 

 Avtobuslar, mikroavtobuslar və onların   bazasında istehsal edilmiş digər avtonəqliyyat vasitələri – sərnişin yerlərinin sayına görə 9-dan 16-dək 3 əmsalı, 16 yerdən çox olanda 4 əmsalı artırılır.

 Yük avtomobiləri üçün əmsal 3-5 arasıdır. 

 Motosikl, traktor və başqa kənd təsərrüfatı texnikası üçün əmsal minimaldır. 

 AVSMMİS üzrə sığorta haqqı müəyyən ediləndə də bonus-malus nəzərdə tutulub. 

Qanuna görə əmlaka dəyən ziyana görə 5 min manat,  bir şəxsin sağlamlığına dəyən ziyana görə 5 min manat, bir sığorta hadisəsi üzrə maksimum 55 min manat ödənilir. --17D-