Səudiyyə Ərəbistanı Krallığının nümayəndə heyətinin ölkəmizə səfəri çərçivəsində dekabrın 10-da Bakı Biznes Mərkəzində Biznes Forumu keçiriləcək.
Azərbaycanda İxracın və İnvestisiyaların Təşviqi Fondunda (AZPROMO) Turan-a bildiriblər ki, forumun işində Səudiyyə Ərəbistanı Krallığının dövlət strukturlarının nümayəndələr, 50-dək iri şirkətin rəhbərləri iştirak edəcəklər.
Dövlət Gömrük Komitəsinin məlumatına görə, bu ilin 10 ayında Azərbaycandan Səudiyyə Ərəbistanına $44,4 min manatlıq mal ixrac edilib. Amma ixracat iki dəfə artıb. Səudiyyə Ərəbistanından ölkəyə $27 280 min manatlıq mal idxal olunub. Bu, ötən ilin eyni dövründəkindən 37% çoxdur.
Dövlətstatkoma görə, 2012-ci ildə Azərbaycan Səudiyyə Ərəbistanından $23,9 mln-luq mal idxal edib. Bunun 94%-i kimya məhsullarıdır (əsasən polietilen). 08D
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz