Bu gün Nəsimi rayon məhkəməsi məşhur hüquqşünas, Demokratik Qüvvələrin Milli Şurasının (DQMŞ) üzvü Qurban Məmmədovu 3 il müddətinə azadlıqdan məhrum edib.
Məhkəmə onu 263.1-ci (yol hərəkəti qaydalarını pozma, sağlamlığa ziyan vurulmasına səbəb olduqda) və 299.1-ci (zərərçəkmişi ələ alma) maddələrlə təqsirli bilib.
Vəkil Anar Qasımlı Turan-ın müxbiri ilə söhbətində hökmün əsassız olduğunu və Məmmədovun siyasi motivlərlə təqib edildiyini bildirib.
Onun sözlərinə görə, Məmmədovun YNH törədilməsində təqsiri sübuta yetirilməyib.
YNH-də başqa bir avtomobil də iştirak edib və zərərçəkmiş – dayanacaq işçisi iki maşın arasında yıxılıb.
Məhkəmə YNH yerində videomüşahidə kameralarından məlumatları tələb etməyib. İttiham tərəfin şahid ifadələri bir-birinə zidd olub.
Vəkilin sözlərinə görə, Məmmədov təhqiqat aparılmasını və təqsirlilərin müəyyən edilməsini gözləmədən, humanist məqsədlə zərərçəkmişə kömək edib.
Bu, heç cür zərərçəkmişin ələ alınması kimi tövsif edilə bilməz.
Vəkil işi siyasi əsaslı hesab edir. Bunun sübutu Məmmədovun məhkəmədən əvvəl həbs edilməsi, maksimum cəza tədbiri hökmünün çıxarılmasıdır.
Hökmdən apellyasiya məhkəməsinə şikayət veriləcək.
Məmmədov bu il iyunun əvvəllərində 2012-ci ilin sentyabr ayında baş vermiş YNH ilə əlaqədar həbs edilib.
Zərərçəkmişin Məmmədova qarşı şikayəti olmayıb, lakin hüquqşünas DQMŞ-nin yaradılmasında iştirak etdikdən sonra polis onu həbs edib. -06C-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz