"Dəmir Bank" ASC bu il avqustun sonundan "Göy” əmanəti üzrə yeni dərəcə müəyyən edib.
Bankda Turan-a deyiblər ki, üç aylıq depozitlər üçün faiz dərəcəsi dəyişməz qalıb, 6 aylıq manat əmanətləri üzrə dərəcə 0,25 faiz bəndi azaldılaraq illik 5,75% olub. 9 və 12 aylıq əmanətlər üçün dərəcələr 0,5 f.b. və 1,5 f.b. azaldılıb. Beləliklə, 9 aylıq əmanətlər indi manatla 7,25%, ABŞ dolları ilə 7%-lə, 12 aylıq əmanətlər 10,5% və 10,25%-lə qəbul edilir. Bu əmanət üzrə maksimal faiz dərəcəsi 12 faizdir.
"Stabil" əmanəti standart əmanətdir və faizləri hər ay almaq olur. Bu əmanət üzrə vəsaitlər manatla, ABŞ dolları və avro ilə 3 aydan 2 ilədək qəbul edilir. Minimal depozit məbləği 100 manatdır.
Bank Əmanətlərin Sığortalanması Fondunun üzvüdür və 12%-dən artıq olmayan əmanətlərin hamısı sığortalanıb. --15B--
İqtisadiyyat
-
Azərbaycan Prezidenti İlham Əliyev cümə axşamı Bakıda kommunal xidmətlər üçün nəzərdə tutulmuş xüsusi təyinatlı nəqliyyat vasitələri ilə tanış olub. Bu addım şəhər infrastrukturunun modernləşdirilməsi və ətraf mühitin dayanıqlılığının artırılması istiqamətində görülən tədbirlər çərçivəsində atılıb.
-
Azərbaycan Milli Depozit Mərkəzi (MDM) 2024-2026-cı illər üzrə maliyyə bazarlarının inkişafı üçün etimadın artırılması, bazara çıxış imkanlarının genişləndirilməsi və investisiya alətlərinin çeşidinin artırılmasına yönəlmiş strateji hədəflər və rəqəmsal yenilikləri elan edib.
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
Rəy yaz