Bu ilin 5 ayında Azərbaycanda dəmir filizi istehsalı həcmi 36,3 min ton olub. Bu, 2014-cü ilin eyni dövründəkindən 30% azdır. Amma 2014-cü ildən Daşkəsən Filizsaflaşdırma Kombinatının modernləşməsini həyata keçirən «Azərbaycan Polad İstehsalı Kompleksi» (ASPC) 150 min ton məhsul istehsal etmək niyyətindədir. Dövlətstatkoma görə, təkcə mayda müəssisədə 14,4 min ton dəmir filizi konsentratı istehsal edilib. Dəmir filizi konsentratı keyfiyyəti 65%-dən az olmur. Bu isə bazarda filizin rəqabət qabiliyyətini artırıb. ASPC QSC-də Turan-a deyiblər ki, iyunda 20 min ton filiz istehsalı planlaşdırılır. Hazırda müəssisənin istehsal gücü ildə 350 min tondur. 2018-ci ildə polad istehsalı kompleksi istismara hazır olanda Filizsaflaşdırma Kombinatının gücü ildə 1,7 mln tona çatacaq. Bu ilin 5 ayında dəmir filizinin 65%-i yerli bazarda satılıb. Alıcılar sement istehsalı müəssisələridir.
Gömrük Komitəsinin məlumatına görə, Gürcüstana 9 min ton dəmir filizi ixrac edilib. Malın 1 tonu $40-a satılıb. Bu, 2014-cü ildəkindən $6 çoxdur.
2014-cü ildə ASPC 91,4 min ton məhsul istehsal edib (- 35,4%) və xaricə (Panama, Gürcüstan) 73,3 min ton məhsul satıb. İxracatdan gəlir $2 mln 517,2 min olub. 08B
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz