![DəmirBank korporativ saytında onlayn kredit ödənişləri xidmətini tətbiq edib](https://turan.az/resized/./turan-750-500-resize.webp)
DəmirBank korporativ saytında onlayn kredit ödənişləri xidmətini tətbiq edib
DəmirBank həftənin bütün günləri 24 saat fasiləsiz müştəri xidmətinin inkişafı məqsədilə www.demirbank.az saytından onlayn qaydada kredit ödənişlərini qəbul edir.
Saytın əsas səhifəsində “Onlayn kredit ödənişi” linkinə tıklayaraq açılan https://creditpay.demirbank.az/login səhifəsində qeydiyyatdan keçmək zəruridir. Qeydiyyat üçün PİN kodu (şəxsiyyət vəsiqəsinin aşağısında olan eyniləşdirmə kodu, axrıncı rəqəm sayılmadan son 7 rəqəm), müştəri üçün rahat olan 4 rəqəmli şifrəni (müştəri təyin edir), telefon nömrəsini və e-mail ünvanı qeyd etmək lazımdır.
Qeydiyyatdan keçəndən sonra müştərinin şəxsi kabineti yaranır. Müştəri PİN kodu və şifrəni qeyd edərək şəxsi kabinetinə daxil olur, ödəniləcək krediti seçir, plastik kartın tələb olunan göstəricilərini daxil edir, məbləği yazır və ödənişi edir. Xidmət Azərbaycan, rus və ingilis dillərində fəaliyyət göstərir.
Sistemdə qeydiyyat pulsuzdur. Şəxsi kabinetdə ödəniş tarixçəsi saxlanılır, istənilən vaxt ödənişlərə baxmaq və ödəniş qəbzlərini çap etmək mümkündür.
Qeyd edək ki, DəmirBank müştərilər üçün həm də bankomatlar, ödəniş terminalları və Milli Ön terminalları ilə kredit ödəmək imkanı yaradıb. Terminallar və sayt vasitəsi ilə kredit ödənişləri müştərilər üçün vaxt və rahatlıq baxımından çox əlverişlidir.
Ölkənin ilk kommersiya bankı olan DəmirBank 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. DəmirBank Fitch Ratings və Planet Rating agentliklərinin “stabil” proqnozlu “B” reytinqlərinə malikdir. Bu reytinqlər ölkənin bank sektorunda yüksək reytinqlər sırasındadır. —15D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz