![Qubad İbadoğlu: «Azərbaycanda sahibkarlıq və vətəndaş cəmiyyətinə yer azdır»](https://turan.az/resized/media/2013/main/110500056386-750-500-resize.webp)
Qubad İbadoğlu: «Azərbaycanda sahibkarlıq və vətəndaş cəmiyyətinə yer azdır»
İqtisadi Tədqiqatlar Mərkəzinin banisi Qubad İbadoğlu hesab edir ki, Azərbaycanda sahibkarlıq və vətəndaş cəmiyyətinin inkişaf imkanları azalır. Bu mövzuda o, Londonda keçirilən Açıq Hökumət Təşəbbüsü üzrə sammitdə çıxışında bildirib. Tədbirdə 61 ölkədən min nəfər iştirak edib. Azərbaycanı forumda «ASAN» xidmətinin rəhbəri İnam Kərimov və Korrupsiya ilə Mübarizə Komissiyasının katibi Vüsal Hüseynov təmsil edib.
İbadoğlu İqtisadi Tədqiqatlar Mərkəzinin “Açıq Hökumətin təşviqinə dair 2012-2015-ci illər üçün Milli Fəaliyyət Planı”nın monitorinqi əsasında danışıb. “Fəaliyyət Planın icra müddətinin digər üzv ölkələrlə müqayisədə daha uzun dövr - 3 il üçün nəzərdə tutulması onun illik əsasda qiymətləndirmə və monitorinqinin aparılmasında çətinlik yaradır. Eyni zamanda planda nəzərdə tutulan bəzi öhdəliklərin əvvəlcədən mövcud olması, bəzi öhdəliklərin ünvanlı olmaması, bəzilərinin isə açıq hökumət siyasəti ilə birbaşa əlaqəsinin olmaması, texniki xarakter daşıması OGP-nin Azərbaycanda tətbiqinin effektivliyini aşağı salır”, deyə o bildirib.
Onun sözlərinə görə, monitorinqlə bağlı bəzi dövlət orqanları, xüsusilə də yerli icra hakimiyyətləri az məlumatlı olduğundan monitorinq zamanı informasiya əldə edilməsi işi o qədər də asan olmayıb. Bu çətinliyin aradan qaldırılması üçün Korrupsiyaya Qarşı Mübarizə Komissiyasının verdiyi təşkilati dəstəyi xüsusilə qeyd edən Qubad İbadoğlu eyni zamanda ASAN dövlət xidmətinin fəaliyyətinin vətəndaşlar üçün pozitiv nəticələrindən də danışıb.
Forumun işində Böyük Britaniyanın baş naziri Devid Kameron, ABŞ dövlət katibi Con Kerri inkişaf etmiş ölkələrin dövlət və hökumət başçıları və s. iştirak edib. --17D—
-
- İqtisadiyyat
- 5 Noyabr 2013 13:21
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz