«Azərbaycan Xəzər Dəniz Gəmiçiliyi”nin maliyyə göstəriciləri 2010-cu ildən pisləşir. Bu ilin I yarısında yük və sərnişin daşınmasından itkilər 15,1 mln manat olub, deyə Dövlətstatkomda Turan-a bildiriblər. Amma AXDG yük flotiliyasını yeniləməkdə davam edir.
2014-cü ilin yanvar-iyununda AXDG-nin gəlirləri 13,9% azalaraq 44 mln 495,4 min manat olub. Yük daşımalarının azalması fonunda mədaxil də azalıb. AXDG gəmiləri Xəzər sularında işləyir, son illər burda başqa ölkələrin flotiliyaları da aktivləşib, deyə QSC-də bildirirlər.
Daşımalara 59 mln 656 min manat xərclənib, bu, ötən ilin eyni dövründəkindən 17,4% çoxdur.
Bu yaxınlarda AXDG Türkiyədən «Üzeyir Hacıbəyli» və «Natəvan» quru yük gəmiləri alıb. Onların dedveyti 5490 tondur. Oktyabrın 14-də gəmilərdə dövlət bayrağı qaldırılıb. Dövlət büdcəsi hesabına təchizat gəmisi və yedək gəmisi alınıb (3 ədəd). Аyaxın günlərdə Nijni Novqorodda AXDG-ni sifarişi ilə hazırlanan üzən dok istismara veriləcək. Bakı Gəmiqayırma Zavodu AXDG üçün 2 sərnişin gəmisi tikir.
Hazırda «Azərbaycan Xəzər Dəniz Gəmiçiliyi”nin 33 tankeri, 16 quru yük gəmsisi, 2 “Ro-Ro” gəmisi, 14 bərəsi, mədənlərə xidmət üçün 184 gəmisi var.
2013-cü ildə AXDG-nin gəlirləri 85,4 mln manat, xərcləri 107 mln manat olub. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz