Pasha Bank indi Türkiyədə
«Pasha Bank» ASC Aksoy Holdinq-ə məxsus Türkiyənin TAİB Bank-nın səhmlərinin əvvəl 60%-i, daha sonra isə bütün səhm paketini alıb. «Hürriyet» qəzetinin (http://www.hurriyet.com.tr/ekonomi/27471060.asp) yazdığına görə, aktivlərin bir hissəsi hələ 2012-ci ildə satışa çıxarılıb, martda isə Aksoy Holdinq-in idarə heyətinin sədri Erdal Aksoya Azərbaycanın maliyyə strukturundan təklif daxil olub. Məlumatı Pasha Bank-ın investisiyalar üzrə baş direktoru, bu strukturun «Pasha Bank Georgia» nümunəsində «Pasha Bank Türkiye» adlandırılacağını deyən Taleh Kazımov da təsdiqləyib.
Bu onun nümunəsidir ki, yerli biznes hökumətin Türkiyəyə yatırdığı investisiyalarla yanaşı siyasi hakimiyyətin himayə etdiyi “boz” sxemlərlə qazandığı maliyyəni də bu ölkəyə yatırmaq istəyir.
Adıçəkilən Türkiyə bankı Aksoy Holdinq tərəfindən 2012-ci ildə dubay şeyxi əl-Maktumdan alınıb. TAİB Bank-ın baş ofisi Bəhreyndə yerləşir. Naməlum səbəblərdən bank bir neçə ay işləyəndən sonra satışa çıxarılıb. Şayiələrə görə, güzəştlə bağlı Azərbaycanın işgüzar şəxsləri xahiş edib - «Pasha Bank» ölkə prezidentinin xanımı Mehriban Əliyevanın yaxın qohumlarına məxsusdur.
Fəallıqdan danışarkən qeyd edək ki, son 5 ildə Azərbaycan işgüzar adamlarının Türkiyə biznesində payı artıb. Əgər buna qədər Azərbaycan Türkiyənin işgüzar dairələri ilə yalnız yeyinti və toxuculuq sənayesi sahəsində əməkdaşlıq edirdi, indi onlara neft və bank, həmçinin turizm sahəsi də əlavə edilib. Investorlar arasında daha çox gəmiçilik milyarderi Mübariz Məsimovun və geniş profilli İsgəndər Xəlilovun adları çəkilir. Türkiyə mətbuatı yazır ki, onlar bu ölkədə otel, liman, daşınmaz əmlak, o cümlədən adalara sahibdirlər. Dövlət Neft Şirkətinin kommersiya strukturlarını istisna olmaqla digər investorların adları gizlin saxlanılır, baxmayaraq ki, hamısı Türkiyə iqtisadiyatına böyük vəsaitlər yatırıblar. Bu proses əcnəbilərə Türkiyədə daşınmaz əmlak almağa imkan verən qanun sadələşəndən sonra sürətlənib. Bir çox ekspertlər hesab edir ki, azərbaycanlı iş adamları Türkiyə biznesinə investisiya yatırılmasını çirkli pulların leqallaşdırılmasının ən asan yolu kimi görür. Statistika göstərir ki, Şərgi Avropa ölkələri ilə yanaşı qonşu Gürcüstan və Türkiyə də bizim hakimiyyətlə yaxın şirkət və firmaların işi üçün ən əlverişli yer olub.
Buna qədər Azərbaycanın Türkiyə iqtisadiyyatına ən böyük investisiyası energetika və neft-kimya sektoruna olub. 2011-ci ildə SOCAR hazırda SOCAR Turkey Enerji AŞ adı altında fəaliyyət göstərən Petkim kompleksini alıb. Qısa müddət ərzində SOCAR-ın investisiyaları 200 mln lirədən 2,6 mlrd lirəyə qədər artıb. SOCAR Turkey-in rəhbəri Kənan Yavuzun sözlərinə görə, bu, Türkiyə iqtisadiyyatına ən böyük investisiyadır. --17D—
-
- İqtisadiyyat
- 31 Oktyabr 2014 13:21
-
- İqtisadiyyat
- 31 Oktyabr 2014 13:32
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz