Dəri məmulatları istehsalı sürətlə azalır

Bu ilin I rübündə Azərbaycanda 5 mln 484,1 min manatlıq dəri və dəri məmulatları, ayaqqabı istehsal edilib. Bu, ötən ilin eyni dövründəkindən 66.1% azdır.

Dövlətstatkoma görə, dəri məmulatları və ayaqqabı istehsalının azalması bu ilin yanvarında, ötən ilki 30,9% artımdan başlayıb. İlin əvvəlindən 316,2 min m² dəri və 31,3 min cüt dəri ayaqqabı istehsal edilib. Dəri istehsalı 23,8%, ayaqqabı istehsalı 80,5% azalıb. Müəssisələr məhsulu satmaqda çətinlik çəkir: anbar qalığı 291,2 m² dəri və 56 min cüt dəri ayaqqabıdır.

Azərbaycanda əsas dəri məmulatı istehsalçılarından biri “Gilan Dəri” MMC-dir. Müəssisə 2005-ci ildə yaradılıb və Yevlaxdadır. Dəri kompleksi 46,7 min m² ərazini tutur. Gündəlik istehsal gücü 27 tondur. “Gilan Dəri” məhsulunu İtaliya, İspaniya, Türkiyə, Ukrayna və İrana ixrac edir. Rəsmi statistikaya əsasən, 2012-2013-cü illərdə Azərbaycandan 13?5 min cüt dəri ayaqqabı ixrac edilib. Bu, 2012-ci ildəkindən 7 min cüt çoxdur. İxrac pul ifadəsində ($217,3 min) 2 dəfədən çox azalıb.

İstehsalın əsas leqal hissəsi güc strukturlarının təmin edilməsidir. Satıcıların sözlərinə görə, istehlakda yerli istehsalın payı 15%-i keçmir. 

Gömrük Komitəsinin məlumatına görə, 2013-cü ildə Azərbaycana bəyannamə qiyməti $9 791,9 min olan 3 mln cüt ayaqqabı gətirilib. İdaxl natura ifadəsində 3%, qiymət ifadəsində 22,6% artıb.

Həmçinin 3 min ton (+327 ton) hazır dəri ixarc edilib. Dəri ixracı ($17 mln) $3 mln artıb. 08B