![Lotereya biznesi çiçəklənir](https://turan.az/resized/media/2014/main/080700086473-750-500-resize.webp)
Lotereya biznesi çiçəklənir
Dövlət lotereya inhisarçısı “Azərlotereya” ASC-nin mənfəəti 24,8% artıb, deyə 2013-cü il üçün maliyyə hesabatında bildirilir.
Ötən il şirkətin xalis mənfəəti 2 mln 210,2 min manat, əsas əməliyyat gəlirləri 26 mln 935 min manat olub. Əməliyyat gəlirləri 36% artıb.
İl ərzində 26 194 750 ədəd tirajlı və ani lotereya bileti satılıb. İki ani lotereyanın satışdakı payı 4%-dir. Biletlərin 30%-i elektron formada satılıb.
Ümumi qiyməti 2 mln 345,7 manat olan 177 minik avtomobili udulub.
Şirkətin xərcləri də artaraq 25,5 mln manata çatıb. “Azərlotereya”nın xərc strukturu bir qayda olaraq, açıqlanmır. Yalnız dövlət büdcəsinə vergi ödənişi və sosial ayırmalar barədə məlumat verilir. 2013-cü ildə şirkətin vergi ödənişi 188,5 min manat artaraq 894,2 min manat olub. 2011-ci ildə vergi ayırmaları 730 min manat təşkil edib.
Lotereya oyunlarının analizi göstərir ki, bu biznesdə inkişaf var. Amma ötən illərin rekorduna qalıb. 2007-ci ildə şirkətin gəlirləri 32 mln 625.2 min manat, vergi ödənişləri 4 mln 453,3 min manat idi.
“Azərlotereya” ASC-dən başqa, “Azinteltek” MMC də oyunlar keçirir. Bu inhisarçı www.topaz.az platforması ilə bukmeyker kontoru finksiyası yerinə yetirir, maliyyə hesabatı, o cümlədən dövlət büdcəsinə ödənişləri açıqlamır. Bir sıra məlumatlara görə, 510 satış məntəqəsi olan (Bakıda 339) bu kontorun xidmətindən 100 min nəfər varlanmaq istəyən şəxs istifadə edir. --08D—
-
- İqtisadiyyat
- 7 Avqust 2014 20:26
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz