Dərman preparatlarının qiymətinin endirilməsi ilə bağlı hökumətin elan etdiyi kampaniya əks effekt verməyə başlayıb. Hakimiyyət dərmanların yeni aşağı qiymətlərini elan etməyə macal tapmamış artıq apteklərdən müxtəlif dərmanlar yox olmağa başlayıb.
Əsasən yalnız reseptlə satılan akineton və denazepam yoxdur. Son iki gündə Turan-ın müxbiri Alflutop inyeksiyasının qıtlığı ilə üzləşib. Belə ki, bu dərman əvvəllər açıq satışda olub və reseptsiz satılıb.
İki gün ərzində Yasamal, Səbayel, Nəsimi rayonlarında 20-dən çox aptekdə bu preparatlar tapılmayıb. Əczaçılar həmin preparatların artıq daxil olmadığını bildirirlər və bunun səbəbini ölkəyə gətirilən dərmanların sayının xeyli azalması ilə izah edirlər.
Bəzi ekspertlərin fikrincə, dərman bazarının dövlət tənzimlənməsinin sərtləşdirilməsi əczaçılıq biznesinin rentabelliyini azaldır və bəzi oyunçuların bazardan çıxması qıtlıq yaradacaq və dərman preparatlarının “əl altından” baha qiymətə satışına səbəb olacaq.
Qeyd edək ki, artıq Bakıda apteklərin bağlanması prosesi gedir. Aptek sahibləri bunu təkcə biznesmenlərinin tamahkarlığı ilə yox, həm də vergi və gömrük xidmətlərinin aptek sahibləri üçün təyin etdikləri “xərac” ilə izah edirlər. –06D--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz