Det.Al Holding ucuz Azərbaycan alüminiumu təklif edir

Bu ilin I yarısında Det.Al Holding-in Gəncə Alüminium zavodu 30 170 ton alüminium, o cümlədən işlənməmiş alüminium və hazır alüminium məhsulu (plitə və təbəqə) ixrac edib. Bu, ötən ilin eyni dövründəkindən 8,5% çoxdur, barədə Gömrük Komitəsində Turan-a bildiriblər.

Bu il Azərbaycan istehsalı alüminium orta hesabla $1443,5-a ixrac edilib. Yanvar-iyunda dünyada alüminiumun tonu $1744-1683 təşkil edib (http://goo.gl/i89Al5). Bu ilin I yarısında Azərbaycan istehsalı alüminium xaricə 1360$/t qiymətinə satılıb.

Beləliklə, Det.Al Holding malı xaricdə dünya qiymətindən 15% ucuz satır. Şirkətin Bakı ofisində faktı şərh etməyiblər.

Şirkətdə ilkin alüminium istehsalı üçün xammalın mənbəyini də açıqlamayıblar. Ötən il giltorpaq ABŞ, Braziliya, Venesuela və Yamaykadan tədarük edilib. Bu il xammal idxal edilməyib.    

DGK-nın məlumatına görə, xammal alüminium Türkiyəyə ixrac edilir. Hazır alüminium məhsulu əsasən Rusiyaya satılır.

Hazırda birjalarda alüminium alqı-satqısı əqdləri 1611$/t qiymətinə bağlanır.

2011-ci ildə Gəncədə gücü ildə 50 min ton olan zavod istismara verilib. 2013-cü ilin mayından alüminium yarımfabrikatı istehsal edən zavodlar (əritmə və fasiləsiz metal prokatı zavodu, təzyiq altında işlənmə və boyama zavodu) istismara verilib. Ötən il Det.Al Elektroliz zavodunun ikinci mərhələsini istifadəyə verməyi və müəssisənin gücünü 100 min tona çatdırmağı planlaşdırıb. 08B