«Dəyirmi masa»da dövlət satınalmalarında şəffaflığın artırılması müzakirə edilib
Bakı/23.05.17/Turan: Dövlət satınalmalarında şəffaflığa və qanunçuluğa nail olunması vətəndaş cəmiyyəti və bir sıra dövlət və hökumət strukturlarının toplandığı "dəyirmi masa"da müzakirə edilib. Bu sahədə tənzimləyici olan İqtisadiyyat Nazirliyinin Antiinhisar Siyasəti və İstehlakçıların Hüquqlarının Müdafiəsi Dövlət Xidməti tədbirə etina etməyib.
Ekspertlər, vətəndaş cəmiyyəti və Hesablama Palatasının təmsilçiləri "Şəffaflıq Azərbaycan" İB-nin hazırladığı dövlət satınalmaları haqqında qanunvericiliyə dəyişikliklər təkliflərini müzakirə ediblər. Bu təşkilatın ekspertlərinin fikrincə, 2001-ci ildən qüvvədə olan "Dövlət satınalmaları haqqında" qanun dövlət satınalmalarında rəqabət mühiti və şəffaflığın təmin edilməsində çoxlu problem yaradır.
QHT-nin eksperti Məhəmməd Muradov elektron tender konsepsiyasını təqdim edib. Sənəd elektron satınalmalar üzrə portal yaradılmasını təklif edir. Belə bir mexanizmin tətbiqi mal, iş, xidmət almağa yönəldilən dövlət vəsaitlərinə 20% qənaət etməyə imkan verər, ölkədə kiçik və orta sahibkarlığın inkişafına kömək edə bilər.
"Dövlət satınalmalarında şəffaflığın artırılması" layihəsinin eksperti Elvin Yusifli rəqabət satınalmalarının keçirilməsinin bütün mərhələlərində olan nöqsanlardan danışıb. Aradan qaldırılması yollarından vətəndaş cəmiyyəti və KİV-in neçə ilərdir açıq danışdığı bu nöqsanlar cəmiyyətin, kiçik və orta sahibkarlığın tenderlərə inamına mənfi təsir edir.
"Şəffaflıq Azərbaycan" QHT-si tenderlər üzrə elektron resurs üzərində də işləyir. O, gələcəkdə elektron satınalmalar üzrə alternativ platformaya çevrilə bilər. 08C
-
- Cəmiyyət
- 23 May 2017 14:13
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz