Dilerlər üçün yeni qaydalar

2015-ci ilin yanvarından Azərbaycanın qiymətli kağızlar bazarında diler fəaliyyəti eyni qaydalarla həyata keçiriləcək. Vəsaitlərin yerləşdirilməsi və istifadəsi üzrə risklərlə bağlı bir çox amillərə əməl etmək üçün dəqiq reqlament hazırlanıb.

Yeni ildən dilerlərin məcmu kapitalı 100 mindən az ola bilməz. Dilerlərin kapitalına ümumi tələb müxtəlif risk parametrlərinə qarşı tələblər hesablanaraq müəyyən ediləcək. Bundan başqa, diler fəaliyyəti də həyata keçirən broker şirkətlərinin birinin rəhbərinin sözlərinə görə, onlar ən azı iki ixtisaslı kadr cəlb etməlidir.

Diler fond bazarında korporativ QK-ın marketmeykeri kimi çıxış edə bilər. Diler emitentin qiymətli kağızlarının tam və ya qismən yerləşdirilməsi üzrə anderrayter funksiyasını üzərinə götürə bilər.

Diler fəaliyyəti həyata keçirilən zaman şirkət maliyyə itkisi, qiymət volatilliyi, müştəri qruplarının kapital konsentrasiyası və s. risk amillərini nəzərə almalıdır.

Hazırda 13 şirkətin diler lisenziyası var.

Diler fəaliyyəti üzrə mövcud qaydalar 2013-cü ilin avqustunda qəbul edilib. Yeni qaydalar normativ aktlar reyestrinə bu il iyulun 15-də daxil edilib. 08B