Regionlarda yoxlamalar olacaq

Azərbaycan Hesablama Palatası Ağsu rayonu İH-ə ayrılan büdcə vəsaitlərinin xərclənməsini yoxlayacaq.

2014-cü il sentyabr ayının 22-də keçirilən Kollegiya iclasında Ağsu rayon İcra Hakimiyyətinə dövlət büdcəsinin “Mənzil və kommunal təsərrüfatı” bölməsindən, dövlət əsaslı vəsait qoyuluşu və ehtiyat fondlarından sosial infrastruktur layihələrə ayrılan vəsaitini xərclənməsinin yixlanması qərara alınıb.

Bundan başqa, Sabunçu rayon Əhalinin Sosial Müdafiəsi  Mərkəzinə ayrılan vəsaitlərin audit proqramı təsdiq edilib. AHP Naxçıvan MR Hidrometeorologiya İdarəsinin saxlanılmasına ayrılan vəsaitlərin proqnozlaşdırılması və istifadəsinə dair audit proqramını da təsdiq edib.   
Hesablama Palatası 7 dekabr 2001-ci ildən fəaliyyət göstərir və büdcə vəsaitlərinin xərclənməsinə nəzarət edir. Rəhbər işçilər (kollegiya üzvləri – sədr, müavinləri və 7 auditor) 7 ildə bir dəfə seçilir. 
Hesablama Palatası bir qayda olaraq yoxlamalarının nəticələrini açıqlamır. Bəzən ümumi nəticələri elan edir, konkret fakt və rəqəmlər gətirmir.
   “İnformasiya əldə edilməsi haqqında” Qanunun 6.0.3 maddəsinə əsasən, büdcə vəsaitlərinin yoxlanması barədə informasiyanın yayılması dövlət strukturlarının, o cümlədən Hesablama Palatasının vəzifəsidir. --17D—