“Azərbaycan İnvestisiya Şirkəti” ASC oktyabrın 7-də Rafiq Rəhimbəyli ilə Bakıdan şimalda yerləşən üç rayonda kənd təsərrüfatı layihələrinin həyata keçirilməsi imkanlarının araşdırılması üzrə xidmət müqaviləsi bağlayıb.
AİŞ-in hüquq ekspertizası şöbəsinin mütəxəssisi İlkin Abdiyev Turan-a bildirib ki, investorlardan Xızı, Siyəzən, Şabran rayonlarında birgə layihələrin həyata keçirlməsi təklifləri gəlir. Ona görə bu regionun aqrar sektorunun perspektivinin analizi zərurəti yaranıb.
AİŞ-də qeyd ediblər ki, Rafiq Ürfət oğlu Rəhimbəyli Kənd Təsərrüfatı Nazirliyinin məsləhətçisidir. O, biologiya üzrə fəlsəfə doktoru, dosentdir. Azərbaycan Dövlət Aqrar Universitetində aqrokimya üzrə əlavə təhsil alıb.
Kənd təsərrüfatı araşdırmaları 6 ay aparılacaq və dosent Rafiq Rəhimbəyli bu işə görə AİŞ-dən 15 min manat alacaq.
“Azərbaycan İnvestisiya Şirkəti” ASC 2006-cı ildə ARDNF-nin 160 mln manat vəsaiti ilə yaradılıb. AİŞ bir neçə şirkətin kapitalında 25%-dən çox olmayan paya malikdir. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz