![Dövlət büdcəsi vəsaiti klassik metodla talan edilib](https://turan.az/resized/750/500/resize/media/2014/main/042200076288.jpg)
Dövlət büdcəsi vəsaiti klassik metodla talan edilib
Azərbaycanda bir dəfəyə 88 şirkət ləğv edilib. Turan müəyyən edib ki, bunlara bir nəfər rəhbərlik edib və o, büdcə dövlət büdcəsi vəsaitlərini «havaya qovurub».
Müxtəlif yollarla dövlət vəsaitlərinin oğurlanması barədə çox deyilib və konkret faktlar gətirilib. Hesablama Palatası da belə faktlarla mübarizə apardığını bildirir. Amma məhz Turan dövlət vəsaitlərinin «mənimsənilməsinin» klassik metodunu üzə çıxarıb. Burda bir günlük şirkətlər «birinci skripkadır».
Ləğv edilən 88 şirkətin siyahısı Turan-da var. Onlar 2013-cü ilin fevral-avqustunda əslən Astaradan olan gənc bakılı R.R.S tərəfindən yaradılıb. Sosial şəbəkələrdəki profilinə görə, Bakı Biznes Kollecinin məzunu sadə yaşayır: yüzə qədər şirkətin sahibi dəbdəbəli avtomobillərinin fotolarını paylaşmır, profil fotosunda qar üstünə uzanıb.
Cüzi kapitallı yeni şirkətlər (hərəsi 10 manat) bütün dövlət strukturlarının tender və kotirovkalarında (XİN, DİN, təhsil, səhiyyə, ədliyyə, ekologiya, gənclər və idman, mədəniyyət və turizm nazirlikləri, RYTN, DSMF, Dövlət Miqrasiya Xidməti, yerli icra hakimiyyətləri, AMEA və s.) iştirak edib və qalib gəlib. Yalnız Prezident Administrasiyasının İşlər İdarəsi istisna ola bilər.
Turan hesablayıb ki, R.R.S-in indi ləğv edilən şirkətləri 3 mln 677 min 569,72 manatlıq 115 saziş imzalayıb. Tender predmeti xüsusi ixtisas tələb etməyən fəaliyyətlərdir – müxtəlif tədbirlərin təşkili, mal və işlərin satın alınması. Məsələn, Sumqayıt səhiyyə müəssisələri bu şirkətlərlə 616 866 manatlıq müqavilə bağlayıb.
Nə tender komissiyaları, nə Satınalmalar üzrə Dövlət Agentliyi rəsmi məlumata görə, (Vergilər Nazirliyi) zəruri kadr potensialı olmayan bir şəxsin külli miqdarda dövlət vəsaitlərinin talan etməsini «sezməyib».
İqtisadçı ekspert, ReAl hərəkatının İH üzvü Natiq Cəfərli Turan-a bildirib ki, bir günlük şirkətlər virtual büdcə xərclərini, məsələn, təmir-tikinti işlərini sənədləşdirmək üçün yaradılır. Büdcə işlərində, xüsusən ƏDV mənimsəmək üçün belə şirkətlərdən istifadə adi hadisədir, deyə o qeyd edib.
«İqtisadi Təşəbbüslərə Yardım» İB-nin sədr müavini Rövşən Ağayev hesab edir ki, bel şirkətlər korrupsiya mexanizmləri vasitəsilə yuyuln dövlət vəsaitlərinin izini itirmək üçündür. «Sazişlər belə şirkətlərin adına rəsmiləşdirir, nağdlaşdırma əməliyyatı aparıb həmin vəsaitlərin müəyyən hissəsini mənimsəyib, qısa müddət sonra həmin müəssisələri bağlayırlar. Bu, ictimai vəaitləri oğurlamağın klassik üsullarından biridir. Vergi yoxlaması, Hesablama Palatasının auduti gəlmədən yoxa çıxırlar», - deyə iqtisadçı qeyd edib.—0—
-
- Cəmiyyət
- 22 Aprel 2014 13:00
-
- Bazarların icmalı
- 22 Aprel 2014 13:48
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz