![Dövlət dərmanların qiymətini tənzimləyəcək](https://turan.az/resized/./turan-750-500-resize.webp)
Dövlət dərmanların qiymətini tənzimləyəcək
Prezident İlham Əliyev fevralın 2-də «Dərman preparatları haqqında» qanuna dəyişiklik edilməsi haqqında AR qanununun tətbiqi barədə sərəncam imzalayıb. Qanuna əlavələr dövlət qeydiyyatına alınmış dərman vasitələrinin qiymətlərinin tənzimlənməsini nəzərdə tutur.
Qanun dərman vasitələrinin qiymətlərinin tənzimlənməsi və həmin qiymətlərə nəzarətin həyata keçirilməsini təmin edəcək. Dövlət başçısı Nazirlər Kabinetinə bir ay müddətinə qiymətlərinin tənzimlənməsini həyata keçirən icra hakimiyyəti orqanları barədə təkliflərini bir ay müddətində hazırlayıb təqdim etməyi tapşırıb. «Dərman preparatları haqqında» qanun 22 dekabr 2006-cı ildən qüvvədədir. Dövlət tənzimləməsi əczaçılıq fəaliyyətinin lisenziyalaşdırılması, dərman vasitələrinin dövlət qeydiyyatı, dərman vasitələrinin sertifikatlaşdırılması;
dərman vasitələrinin keyfiyyəti, səmərəliliyi və təhlükəsizliyi üzərində dövlət nəzarətinin həyata keçirilməsindən ibarətdir.
Dövlətstatkomun məlumatına görə, 2013-cü ildə dərmanların pərakəndə qiyməti 0,4%, 2014-cü ildə 0,1% bahalanıb.
Ötən il rəsmi dərman idxalı həcmi $225,9 mln olub. Bu, 2013-cü ildəkindən 9,6% azdır. Azərbaycandan $12 mln manatlıq dərman ixrac edilib. Bu, əvvəlki ildəkindən 3,4 dəfə çoxdur. 08D
-
- İqtisadiyyat
- 4 Fevral 2015 12:49
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz