Dövlət Əmək Müfəttişliyi Xidməti daş karxanalarında əmək qanunvericiliyinin pozulması hallarını aşkarlayıb
İyunun 4-də Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən Bakının Qaradağ rayonunda 2 daş karxanasında reyd keçirilib və əmək qanunvericiliyinin ciddi şəkildə pozulması halları aşkarlanıb. Reydə Daxili İşlər Nazirliyi və İqtisadi İnkişaf Nazirliyinin nümayəndələri də cəlb edilib. Əmək və Əhalinin Sosial Müdafiəsi Nazirliyi ictimaiyyətlə əlaqələr şöbəsinin məlumatına görə, «Könül 10» Kiçik Müəssisəsi və «Səbuhi Assosiasiyası» MMC-də 30 nəfər iş cəlb edilib, amma onlarla əmək müqaviləsi bağlanmayıb. Bundan başqa, məlum olub ki, avadanlıq və qurğular işçilərin sağlamlığı və həyatı üçün təhlükə törədir, həmçinin işçilər əməyin mühafizəsi üzrə norma və qaydalarda nəzərdə tutulmuş fərdi və kollektiv mühafizə vasitələri və xüsusi geyimlərlə təmin olunmayıb. Əmək Məcəlləsinin 229-cu maddəsi rəhbər tutularaq, daş karxanasının daşkəsən maşınlarının fəaliyyəti göstərilən nöqsanlar aradan qaldırılanadək dayandırılıb.
Bundan başqa, İnzibati Xətalar Məcəlləsinin 53.1-ci maddəsinə əsasən, əmək müqaviləsi bağlamadan işəgötürənlər tərəfindən fiziki şəxslərin işlərin yerinə yetirilməsinə cəlb olunmasına görə inzibati tədbirlər görüləcək. Bu maddəyə əsasən, vəzifəli şəxslər üç min manatdan beş min manatadək, hüquqi şəxslər iyirmi min manatdan iyirmi beş min manatadək miqdarda cərimə edilirlər. 08D
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz