Dövlət əmlakının satış şərtləri sadələşdirilib

Dövlət başçısı 22 oktyabrda «Правила продажи государственного имущества посредством аукционов» qayadlarına dəyişikliklər edilməsi barədə fərman imzalayıb. Qaydalar 2000-ci ilin dekabrında təsdiq olunmuşdu.

Dəyişikliyə əsasən, dövlət əmlakının, eləcə də səhm paketlərinin satışı üzrə hərracın qalibi qiymət məbləğinin qalan hissəsini 5 yox, 30 gün müddətinə ödəyəcək. 

Hərrac iştirakçıları hərrac keçirilənə 3 bank günü qalmış 10% beh ödəyirlər, obyekt və ya səhmin pulu ödəniləndə bu, nəzərə alınır.

Azərbaycanda hərraclar formaldır. Obyekt və ya səhmlər razılaşdırılmış müştəriyə satılır. Hərraclarda rəqabət olmur. Start qiyməti bazar qiymətindən bir neçə dəfə ucuz olur. Məsələn, 19 noyabrda Bakıxanov qəsəbəsindəki “Xoşbəxtlik” şadlıq evinin satışı üzrə hərrac təyin edilib. Torpaq sahəsi nəzərə alınmadan onun sahəsi 2200 kv metrdir. Guya 1 nəfərin işlədiyi obyektin start qiyməti 315,5 min manatdır. Bu vəsaitin 47,3 min manatı güzəştli formada (qanunvericiliyə əsasən, bu məbləğin bir hissəsi ümumiyyətlə ödənilmir) ödəniləcək. Beləliklə, 1 kv m sahə 142,8 manata təklif edilir. Həmin qəsəbədə «3 Qardaş» MMC-yə məxsus şadlıq evinin 1 kv metri 1100 manata təklif olunur. 08D