Dövlət iki ildə vətəndaşlara maddi və mənəvi zərərə görə 17 mln manatdan artıq pul ödəyib

Dövlət Maliyyə Nazirliyi 2012-ci ildə məhkəmə qərarları əsasında vətəndaşlara dəyən maddi və mənəvi zərərə görə 13 989 990 manat ödəyib. Bu il həmin məbləğ  3 290 000 manat təşkil edəcək. Bu, 2014-ci il üçün büdcə zərfində təsdiqlənir.

Bu sənədə əsasən, gələn il hökumət bu göstəricini daha 6,4% artımağı planlaşdırır. 

Məhkəmə qərarlarına əsasən, özəlləşdirmənin nəticələrinin etibarsız olması nəticəsində vətəndaşlara dəyən zərərin 75%-i dövlət adından Maliyyə Nazirliyi tərəfindən ödənir. Qalan 25% məhkəmə qərarları ilə Əmlak Məsələləri Dövlət Komitəsinin üzərinə qoyulur. Yalnız bir məhkəmə qərarına görə 2006-cı ildə 578 vətəndaş əmlakını itirib. Həmin vətəndaşlara hazırda ləğv edilən «Aydın və Fəxrəddin Quliyev qardaşları adına Binəqədi İnşaat Sənaye» ASC-nin səhmlərinin 55,3% satılmışdı. Uzun məhkəmə çəkişmələrindən sonra maddi zərərə görə ödənişlər 2012-ci ildə başlayıb. Böyük ehtimalla onun iddiasına əsas bu səhmdar cəmiyyətinin özəlləşdirilməsinin nəticələri ləğv olunan səhmlərin  39,58%-in sahibi Fikrət Qurbanov da maddi kompensasiya alıb. 08B