Tiraj lotereyası üzrə dövlət inhisarçısı “Azərlotereya” ASC 2016-cı ildə 29 mln ədəd lotereya bileti sataraq 33,4 mln manat əldə edib. Satışın maya dəyəri 31,1 mln manat qiymətləndirilib. Bu barədə şirkətin auditdən keçmiş maliyyə hesabatında bildirilir.
İl ərzində pul və başqa uduşlar üzrə vaxtı keçmiş iddialardan 1 mln manat əldə edilib. Uduş fondunun həcmi 21,5 mln manatı keçib.
Vergi kimi dövlət büdcəsinə (o cümlədən ƏDV) 826 min manat, DSMF-yə 105,3 min manat köçürülüb. 2016-cı ildə dövlət büdcəsi “Azərlotereya” ASC-dən divdend kimi 500 min manat əldə edib, deyə hesabatda qeyd edilir. Hərçənd 2016-cı ildə şirkətin xalis mənfəəti 2 mln 691 min manat, bölünməmiş mənfəət 7 mln 738 min manat olub.
“Azərlotereya” ASC-nin dövlət adından təsisçisi İqtisadiyyat Nazirliyidir. İqtisadiyyat naziri Şahin Mustafayev Stolüstü Tennis Federasiyasının prezidentidir. 2016-cı ildə şirkət bu federasiyaya 200 min manat məbləğində sponsorluq edib.
“Azərlotereya” ASC-nin İqtisadiyyat Nazirliyinə verdiyi digər hesabata görə, 2016-cı ildə lotereya bileti satışına görə dörd şirkətə (“Lotto Yayim”, “Globnet Systems”, “Mobil Loto” və “Azerinteltek”) 5,5 mln manat ödənilib. 08В
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz