Dövlət Sığorta Nəzarəti Xidmətinin məlumatına görə, yanvar-oktyabrda sığorta şirkətləri 337 mln 649,67 min manat mükafat yığıblar. Bu, ötən ilin eyni dövründəkindən 55,51 mln və ya 16,45% çoxdur. Artım korporativ və icbari sığorta üzrədir.
“Paşa Sığorta” 47 mln 363,83 min manat toplayıb. Bu, ötən ilin eyni dövründəkindən 8,88 mln çoxdur və ümumi mükafatların 14,03%-dir. Ay ərzində bu şirkətin xüsusi çəkisi 0,3% artıb. “Paşa həyat Sığorta” 28,38 mln manatla beşincidir.
“AzərSığorta” icbari növlər hesabına 33,05 mln manatla (ayda 4 mln artım) üçüncüdür.
FHN rəhbərinin şirkəti olan “AzSığorta” ikinci yeri qoruyur. O, 35,57 mln manat toplayıb.
“Atəşgah” (30,66 mln, ötən il 30,49 mln manat) 4-cü yerə düşüb. “Atəşgah Həyat Sığorta” 20,46 mln manat mükafat toplayıb. “İpək yolu Sığorta” 15,93 mln manat, “Standard Insurance” - 15,67, AXA MBASK – 14,48, Beynəlxalq Sığorta Şirkəti 11,75 mln manat mükafat toplayıb.
Ödənişlərdə “Paşa Sığorta” liderdir. O, 22,49 mln manat ödəniş edib. Ödənişlərdə xüsusi çəkisi 22,72%-dir.
Şirkətlərin ümumi ödənişləri 98,97 mln manatdır. Bu, ötən ilin eyni dövründəkindən (75,46 mln) 23,5 mln manat çoxdur. --17D—
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz