Prezident İlham Əliyev dekabrın 28-də Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 2017-ci il büdcəsi haqqında Qanunun tətbiqi barədə Fərman imzalayıb.
Gələn il Dövlət Sosial Müdafiə Fondunun gəlir və xərcləri 3 400,0 mln manat həcmində proqnozlaşdırılır. Bunun 2 mlrd 125 mln manatı məcburi dövlət sosial sığorta haqları, o cümlədən 704,3 mln manatı büdcə təşkilatlarının işçilərinin əmək haqqı fondundan daxilolmalar, 96 mln manatı büdcədən maliyyələşən təşkilatlarda işləyənlər üzrə daxilolmalar, 24,7 mln manat büdcə təşkilatlarının büdcədənkənar vəsaitləri üzrə daxilolmalar təşkil edəcək.
Qeyri-dövlət sektoru DSMF-yə 1,3 mlrd manat təmin edəcək. Bunun 54,4 mln manatı hüquqi şəxs yaratmadan sahibkarlıqla məşğul olan fiziki şəxslər tərəfindən təmin ediləcək.
Dövlət büdcəsindən ayırmalar 1 mlrd 270 mln manat olacaq.
2017-ci ildə DSMF əhaliyə 3 mlrd 318,2 mln manat, o cümlədən əmək pensiyalarının ödənilməsinə 3 mlrd 213,8 mln manat ayıracaq.
İşsizliyə görə 17,6 mln manat müavinət veriləcək. Fondun pensiya və müavinətlərin əhaliyə çatdırılması xərcləri 21 mln manat, DSMF aparatının saxlanılması xərcləri 40 mln manat olacaq. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz