Bu gün Mariott otelində “Dövlət vəsaitlərinə kənar nəzarət” mövzusunda konfrans keçirilib. Tədbir Avropa İttifaqının təşkilati və maliyyə dəstəyilə keçirilib.
“Dövlət vəsaitlərinə effektiv nəzarət sistemi” (IVENS) layihəsi çərçivəsində və ali audit orqanlarının, o cümlədən Azərbaycan Hesablama Palatsının nümayəndələrinin iştirakl ilə tədbir ilk dəfədir keçirilir.
Sahibkarlığın və Bazar İqtisadiyyatının İnkişafına Yardım Fondunun sədri Sabit Bağırov bildirib ki, kənar nəzarət dedikdə, bu, Milli Məclis, Hesablama Palatası və ictimai nəzarətə aiddir. O qeyd edib ki, layihə ilə bağlı tədqiqatlar aparılıb.
Təəssüf ki, Hesablama Palatası hətta Kollegiya üzvü ilə deyil, aparatçı- hüquq və dövlət xidməti şöbəsinin müdiri Faiq Nəcəfov ilə təmsil olunub. “Ancaq bunun özü də müsbət haldır, çünki indiyədək Milli Məclisin nəzarətində olan təşkilat bir dəfə də olsun ictimaiyyətin suallarına cavab verməyib”, - İqtisadi və Sosial İnkişaf Mərkəzi İdarə Heyətinin sədri Vüqar Bayramov bildirib.
Parlamentin deputatı Vahid Əhmədovun sözlərinə görə, Azərbaycanda büdcə vəsaitlərinin auditi Maliyyə Nazirliyi yanında Dövlət Nəzarət Agentliyi tərəfindən həyata keçirilir, Hesablama Palatası isə cəmiyyətin maraqlarını müdafiə etməlidir. Büdcə gəlirlərinin artması ilə illik nəzarət funksiyası yalnız Milli Məclisə deyil, ümumilikdə cəmiyyətə məxsus olmalıdır – bu struktur ilə deputat korpusu, həm də qeyri-hökumət təşkilatları, KİV, prokurorluq, auditor palatası və digər aidiyyatı təşkilatlar arasında əlaqələr qurulmalıdır. Parlament büdcənin qəbulunun və icrasının şəffafllğı barədə qanun layihəsinə baxmağa hazırdır. Sənəd Maliyyə Nazirliyinin əməkdaşları və xarici mütəxəssislərlə birlikdə hazırlanır. --17D–
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz