Dekabrın 28-də prezident İlham Əliyev “Azəryolservis” ASC-nin Nəqliyyat Nazirliyinin strukturundan çıxarılması haqqında sərəncam imzalayıb.
Dövlət başçısının digər sərəncamı ilə Saleh Məmmədov ölkədə avtomobil yollarının tikintisi və təmiri ilə məşğul olan “Azəryolservis”in idarə heyətinin sədri təyin edilib.
Bundan əvvəl “Azərbaycan Dəmir Yolları” QSC də Nəqliyyat Nazirliyinin strukturundan çıxarılıb.
Nazirlər Kabinetinə bir ay ərzində “Azəryolservis” ASC-nin yeni nizamnaməsinin və strukturunun layihəsini hazırlamaq tapşırılıb.
Nəqliyyat Nazirliyinin balansında olan avtomobil yolları “Azəryolservis” ASC-nin balansına verilir. Bununla əlaqədar olaraq, avtomobil yollarının idarə olunması, təmiri, saxlanması, mühafizəsi və yenidənqurması üçün büdcə vəsaitləri birbaşa “Azəryolservis”ə təqdim ediləcək. -08D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz