Bakı/05.07.18/Turan: Azərbaycan istilik elektrik stansiyasında baş verən hadisələr göstərir ki, 2012-ci ildə istifadəyə verilmiş real vaxt rejimində elektron idarəetmə sistemi olan SCADA işləməyib və "Azərenerji" ASC-nin dispetçer məntəqəsi "əllə" hərəkət edib, deyə ekspert Osman Gunduz bildirib.
Onun sözlərinə görə, elektrik paylayıcı şəbəkədə SCADA sistemi Dünya Bankından (47 milyon dollar) və Almaniyanın KfW bankının (3 milyon dollar) krediti hesabına yaradılıb. Dövlət büdcəsinin vəsaiti də nəzərə alınsa, sistemin yaranması dövlətə 58 milyon dollara başa gəlib.
SCADA çərçivəsində bütün ölkə boyu fəaliyyətdə olan elektrik stansiyaları arasında fiber-optik şəbəkənin və 3 dispetçer məntəqəsinin qurulması, qəzaların operativ ləğvi üçün imkanların yaradılması, enerji obyektlərində baş verən bütün fiziki proseslərin uzaqdan avtomatik idarə edilməsi və s. nəzərdə tutulub.
"Hesab etmək olar ki, SCADA sistemi qəza zamanı sıradan çıxıb. Elektroenergetika kompleksinin işinin bərpası ilə bağlı qərar qəbul edərkən onun imkanlarından istifadə etmək mümkün olmayıb. Güman ki Komissiya SCADA sisteminin auditini, nəzərdə tutulanların yerində olmasını, sistemin dayanıqlığını və qəza zamanı nə üçün işləmədiyini araşdıracaq", - deyə ekspert qeyd edib.
Osman Gündüzin sözlərinə görə, Almaniyanın SİEMENS şirkəti SCADA sisteminin yaradılmasının birinci mərhələsində iştirak edib. Lakin 2007-ci ildə hökumət onun xidmətindən edib və işi Fransanın "Areva" şirkətinə həvalə edib.. 08D--
İqtisadiyyat
-
COP29 iqlim sammiti çərçivəsində Azərbaycan Respublikasının İqtisadiyyat Naziri Mikayıl Cabbarov Oman İnvestisiya Təşkilatının (OIA) Baş İnvestisiya Rəsmisi İbrahim Əl-İsri ilə vacib görüş keçirib. Görüşdə Azərbaycan ilə Körfəz Əməkdaşlıq Şurasına (KƏŞ) üzv dövlətlər arasında iqtisadi əməkdaşlığın artan dinamikası vurğulanıb.
-
COP29-dakı iki danışıqlar qrupunun mənbələri, 19 noyabr çərşənbə axşamı jurnalistlərə məlumat verib ki, bu həftə Bakıda müzakirə olunan iqlim maliyyələşdirilməsi üçün “Yeni Kollektiv Kəmiyyət Məqsədi”nin (NCQG) həcmi 500 milyard ABŞ dollarını keçməyəcək. Bu məhdudiyyət, ABŞ-da prezident seçkilərindən sonra hakimiyyət dəyişikliyinə görə ABŞ nümayəndə heyətinin danışıqlardakı mövqeyi ilə əlaqələndirilir.
-
G20 liderləri 19 noyabr tarixində Rio-de-Janeyro sammitində yekun deklarasiyada Bakıda keçirilən COP29-da öz danışıqçılarının qarşısında aydın bir tələb qoydular: “Yeni Kollektiv Miqdari Məqsəd”in (NCQG) iqlim maliyyələşdirilməsi üzrə razılaşdırılmadan sammiti tərk etməyin,” – çərşənbə axşamı BMT-nin İqlim Dəyişikliyi üzrə Çərçivə Konvensiyasının (UNFCCC) icraçı katibi Saymon Stiell elan edib.
-
BMT-nin İqlim Dəyişmələri üzrə Çərçivə Konvensiyasının Tərəflər Konfransının (COP29) 29-cu sessiyası çərçivəsində “Dayanıqlı gələcək üçün irsin inkişafı: kənd təsərrüfatı, mədəniyyət və iqlim dəyişikliyinə uyğunlaşma” mövzusunda panel müzakirəsi keçirilib. İCESCO-nun Mavi Zona pavilyonunda təşkil edilən tədbirdə kənd təsərrüfatı irsinin müasir təcrübələrlə inteqrasiyası yolu ilə iqlim dəyişikliyi, biomüxtəlifliyin qorunması və davamlı inkişaf problemlərinin həllinə dair müzakirələr aparılıb.
Rəy yaz