Əhalinin adambaşına aylıq gəlirləri avqustun 1-i üçün 319,87 manat (ötən ilin eyni dövrü ilə müqayisədə mənfi 5%) olub.
Dövlətstatkoma görə, bu il ən pis ay iyun - 291,1 manat, ən yaxşı ay mart olub - 367,4 manat. Əhalinin real pul gəlirləri bir qədər azdır – iyulda 314,8, iyunda 260,1 manat.
Turan ekspertlərinin fikrincə, Dövlətstatkom həyat səviyyəsini yüksək göstərmək üçün gəlirləri ortalayır. Ölkədə yarım milyon büdcəçi və 1,2 mln pensiyaçı var. Onlar ayda 140 – 250 manat alır. Həmçinin 60 min əlil 40-50 manat əlillik müavinəti alır. Onların çoxunun hamisi yoxdur və ağır vəziyyətdə yaşayır. Eyni zamanda, milyonçular və onlara hamilik edən məmur-oliqarxlar var ki, gəlirləri əsas kütlə ilə müqayisə edilə bilməz.
Bu ilin əvvəlindən dövlət başçısı ölkədə ehtiyac meyarını 100 manat müəyyəne dib. Yaşayış minimumu haqqında qanuna görə, orta norma 125 manat, əmək qabiliyyətli əhali üçün 136, pensiyaçılar üçün 103, uşaqlar üçün 103 manatdır. –17D—
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz