DSK-ya görə, əhali mədəsinə az qayğı göstərir

Dövlətstatkoma görə, bu ilin 9 ayında ərzaq və qeyri-ərzaq mallarının pərakəndə satışının nisbəti 1985-ci ilin göstəricisinə çatıb. O vaxt əhali ərzağı qeyri-ərzaq mallarından bir az çox  alırdı. 

DSK-ya görə, yanvar sentyabrda pərakəndə şəbəkədə 13,9 mlrd mlrd manatlıq mal satılıb, Bu, 2012-ci ilin eyni dövründəkindən 9,6% çoxdur. Satış strukturunda ərzaq mallarının xüsusi çəkisi 51,9% olub. Ötən ilin eyni dövrü ilə müqayisədə qeyri-ərzaq mallarının payı 4,1% artıb. Beləliklə, DSK-ya görə, əhali mədəsinə daha az qayğı göstərir və paltar, ev əşyaları və s. pul xərcləyir. 

Azərbaycanda malların növləri üzrə satışın uçotu yoxdur. DSK hesablamanı öz metodikası ilə aparır. Bu metodikaya əsasən, pərakəndə satışının həcmi dinamik artır. Əgər 2003-cü ildə ərzaq mallarının satış həcmi 2 mlrd manat idisə, ötən il 9,7 mlrd manat olub. Qeyri-ərzaq mallarının satışı bu dövrdə 7,5 dəfə artaraq 7,8 mlrd manat olub. 

Müstəqil ekspertlərə görə, gəlir səviyyəsinə görə  əhali kəskin təbəqələşdiyi üçün bu rəqəmlər gerçək vəziyyətin əks etdirmir. Bu statistikaya görə, 2012-ci ildə ev təsərrüfatlarının üçdə birində istehlak xərcləri ayda adambaşına 150 manatı keçməyib. Ailələrin 27,6%-də adambaşına aylıq xərclər 200 manatdan çoxdur. 08D