DSMF bütün kateqoriya vətəndaşlar üçün pensiyaları hesablayıb

Seçkilərə qədər, hətta 9 oktyabrda kənd əhalisi pensiya və sosial müavinətləri almamasından şikayətləndirdi. 

Dövlət Sosial Müdafiə Fondunda Turan-a bildiriblər ki, 9 ay üçün əmək pensiyalarının maliyyələşməsi təmin edilib. 

Protokola əsasən, xəzinədarlıq orqanları tərəfindən pensiyaların vətəndaşların şəxsi hesablarına köçürülməsi Naxçıvan Muxtar Respublikası üzrə hər ayın 11-dək, Bakı şəhərinin rayonları üzrə hər ayın 13-dək, əhalisi məcburi köçkün olan rayonlar üzrə hər ayın 16-dək, respublika tabeli şəhərlər üzrə hər ayın 18-dək, digər rayonlar hər ayın 24-dək, hərbi qulluqçular və xüsusi rütbəli şəxs kateqoriyasından olan pensiyaçılar üzrə hər ayın 29-dək yekunlaşdırılmaqdadır. 

Əgər qrafiklə müəyyən olunmuş tarixlər istirahət və bayram günlərinə təsadüf etdikdə istirahət və bayram günlərindən sonrakı iş günündə icra edilir. Bayramlar və dövlət əhəmiyyətli tədbirlər olduğu aylarda bu qrafikin müəyyən olunmuş vaxtdan əvvəl icrası həyata keçirilir, deyə məlumatda bildirilir. 

Fondun məlumatına görə, hazırda kənd yerlərində yaşayan və pensiya ödənişi aparılan pensiyaçıların 98,8%-i, şəhərlərdə yaşayan pensiyaçıların 100%-i plastik kartlarla təmin olunub. Bundan başqa, bu ilin mart ayından etibarən SMS info xidmətinin tətbiqinə başlanılıb. Xidmətə qoşulan pensiyaçıların hər ay hesabına pul köçdükdə, dərhal həmin təqaüdçülərin mobil telefonuna “sizin hesabınıza bu məbləğdə pul köçürülüb, ala bilərsiniz” tipli SMS məlumat göndərilir. --17D—