![Cəmil Həsənli yeni seçkilər keçirilməsini tələb etdi](https://turan.az/resized/750/500/resize/media/2013/main/101000052983.jpg)
Cəmil Həsənli yeni seçkilər keçirilməsini tələb etdi
Demokratik Qüvvələrin Milli Şurasının prezidentliyə namizədi Cəmil Həsənli prezident seçkilərinin total şəkildə saxtalaşdırıldığı üçün onun nəticələrinin ləğvini və yeni seçkilər keçirilməsini tələb edib.
Bu barədə Həsənli bugünki mətbuat konfransında bildirib.
Onun sözlərinə görə, saxtalaşdırmaların miqyası o dərəcədə böyükdür ki, xalqın iradəsini müəyyən etmək mümkün deyil.
Səsvermə prosesində hakim Yeni Azərbaycan Partiyasının nümayəndələri, yerli hakimiyyət, büdcə təşkilatları kütləvi şəkildə qanunu pozaraq, “karusellər” tətbiq edib, bülletenləri topa şəklində qutulara atıb, eyni şəxslərin dəfələrlə səs verməsinə şərait yaradıb və digər pozuntulara yol verib.
Seçki məntəqələrinin əksəriyyətində müşahidəçilərə səsvermənin yekunları haqqında protokollar verilməyib.
Həsənli bildirib ki, ölkədə növbəti dəfə hakimiyyətin qəsbi prosesi baş verib.
“Konstitusiyanın 1-ci maddəsinə əsasən, hakimiyyətin mənbəyi xalqdır. Lakin dünən Azərbaycan xalqı faktiki olaraq bu hüququndan istifadə edə bilmədi və öz hakimiyyətini qurmaq imkanından məhrum oldu”, deyə Həsənli bildirib.
Bu zaman o, Konstitusiyanın 6-cı maddəsinə - “hakimiyyətin mənimsənilməsinin yolverilməz olduğuna” istinad edib. “Əslində, dünən hakimiyyət bir partiya və bir qrup şəxs tərəfindən mənimsənilib ki, bu da xalqa qarşı ağır cinayətdir. İlham Əliyev faktiki olaraq hakimiyyəti mənimsədi”, deyə Həsəni bildirib.
107-ci maddəyə əsasən, hakimiyyəti qəsb edən şəxslər heç bir halda hakimiyyətdə qala bilməz, hakimiyyətdən uzaqlaşdırılmalı və Konstitusiyaya və qanunlara uyğun şəkildə cəzalandırılmalıdırlar.
“Seçkilər bizim mübarizəmizin sonu deyil”, deyə Həsənli bildirib.
Onun sözlərinə görə, seçki qərargahı saxtalaşdırmaların araşdırılması və seçkilərin nəticələrinin ləğvi tələbi ilə məhkəməyə müraciət edib.
Mübarizə formaları yenə dinc etirazlar olacaq. 12 oktyabr mitinqi haqqında qərar qüvvədədir, lakin Bakı meriyası DQMŞ-nin müraciətinə cavab verməyib. -03С06-
-
- Söz istəyirəm
- 10 Oktyabr 2013 13:00
-
- İqtisadiyyat
- 10 Oktyabr 2013 14:20
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz