Bu yaxınlarda Turan Bakıda əmək pensiyalarının ödənişində gecikmələr olması barədə məlumat vermişdi. Halbuki cədvələ əsasən. Dövlət Sosial Müdafiə Fondu Bakıda pulların kartlara köçürülməsini hər ayın 5-6-da başa çatdırır.
Məlumat verilmişdi ki, Agentliyin müxbiri Beynəlxalq Bankın saytı vasitəsilə (https://www.hbservice.com/frontend/auth/userlogin?execution=e1s1) Sabunçu rayonunda yaşayan bir şikayətçinin elektron məlumatlarına baxıb və pulun köçürülməsi barədə informasiya tapmayıb. Hər ayın 7-də şikayətçiyə gələn SMS bildiriş də olmayıb.
Bu gün Turan-a zəng edən DSMF mətbuat xidmətinin rəhbəri Əmrah Cəfərov bildirib ki, bu, sırf texniki problemdir, maliyyələşmədə, pensiyaların baza hissəsinin artımında gecikmə yoxdur.
Xatırladaq ki, ilin əvvəli üçün Azərbaycanda 1 mln 296 min pensiyaçı olub. Pensiyaların baza hissəsinin artırıması qərarı isə 1 mln 223 min pensiyaçıya şamil ediləcək.
DSMF büdcəsinə dəyişikliklərə əsasən, onun gəlirləri və xərcləri 7,4% - 3 mlrd 78,57 mln-dan 3 mlrd 307,36 mln manata artıb.
Pensiya ödənişinə 3 mlrd 136,1 mln, müavinət ödənişinə 102,85 mln manat xərclənəcək.
Sabunçu rayonunda yaşayan bir şikayətçi isə bu gün öz pensiyasını alıb. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz