DSMF-nin rəqəmləri reallığa uyğun deyil

Dövlət Sosial Müdafiə Fondunun məlumatına görə, 1 oktyabr üçün yaşa görə pensiyanın orta həcmi 195,6 manat və ya orta əmək haqqının 43%-i qədər olub.

Bu, iki amil sayəsində mümkün olub. Yanvar-sentyabrda fondun gəlirləri 2 mlrd 185,2 mln manat olub. Bunun 1304,7 mln-u icbari sosial sığorta haqları olub. Bundan başqa, yanvarın 1-dən əmək pensiyalarının sığorta hissəsinə 1,4 əmsal artırılıb.

Uyğunsuzluq bundadır ki, MM-də 2016-cı il üçün DSMF-nin büdcəsi müzakirə ediləndə Elman Mehdiyev jurnalistlərə deyib ki, pensiya yaşı 65-ə çatdırıla bilər. Əsas səbən kimi gələn nil gözlənilən vəsait çatışmazlığı göstərilib.

İqtisadçı Qubad İbadoğlu bununla bağlı bildirib ki, ölkədə iş stajı, peşə fəaliyyəti və pensiyaya çıxma yaşı arasında uyğunluq yoxdur. İki amil sosial müdafiəyə mənfi təsir edir: pensiyaçılar artır və onların sayı hazırda 1,3 mln-dur. Bunun 61%-i qocalığa görə pensiya alır. İkincisi, DSMF-nin büdcəsi artsa da, özəl sektordan mədaxil azalır. 2016-cı ildə DSMF-nin büdcəsi 3 mlrd 78 mln 600 min manat pöroqnozlaşdırılıb. Bunun 60%-i büdcədən formalaşır.

«Pensiya sisteminin normal maliyyələşməsi üçün 3 işçi müntəzəm sosial ödəniş etməlidir ki, bir pensiyaçı pensiya ala bilsin. Bu göstərici ölkədə iki dəfə azdır. Ona görə pensiya yaşı 65-ə qaldırıla bilər», - deyə o bildirib.

BMT-nin İnsan İnkişafı hesabatına görə, Azərbaycan uzunömürlülüyə görə 187 ölkə arasında 125-ci yerdədir (67 yaş). Dövlətstatkoma görə, bu göstərici 73,8 ildir (kişilər – 71,2, qadınlar 76,5). --17D—